Connect with us

গুৱাহাটী

অসমত ক’ভিড ভেকচিনৰ দুই কোটি সীমা অতিক্ৰম

ক’ভিড প্ৰতিষেধক অভিযানৰ অধীনত অসমত এতিয়ালৈকে ২,০০,০২,৬৫৯ গৰাকী লোকক ক’ভিড প্ৰতিষেধক দিবলৈ সক্ষম হৈছে ৰাজ্যৰ স্বাস্থ্য বিভাগ। ইয়াৰে ১,৬৩,৩১,৯৮৭ গৰাকী লোকক প্ৰথম পালি আৰু ৩৬,৭০,৬৬৯ গৰাকী লোকক দ্বিতীয় পালি ক’ভিড প্ৰতিষেধক প্ৰদান কৰা হৈছে। ২৪ ঘণ্টাত অসমত নতুনকৈ ৪৯৯ গৰাকী লোক ক’ভিডত আক্ৰান্ত আৰু মৃত্যু ৮ গৰাকীৰ।

গুৱাহাটী,১১ ছেপ্টেম্বৰ : ক’ভিড প্ৰতিষেধকৰে ৰাজ্যবাসীক ক’ভিড সুৰক্ষা কবচ প্ৰদানৰ দিশত ৰাজ্য চৰকাৰে অব্যাহত ৰখা অভিযানে এক উল্লেখনীয় সফলতা লাভ কৰিবলৈ সক্ষম হ’ল। ৰাজ্যবাসীৰ মাজত ২ কোটি পালি ক’ভিড প্ৰতিষেধক প্ৰদানৰ সীমা অতিক্ৰম কৰিলে ৰাজ্যত চলি থকা ক’ভিড প্ৰতিষেধক অভিযানে। ক’ভিড প্ৰতিষেধক অভিযানৰ অধীনত অসমত এতিয়ালৈকে ২,০০,০২,৬৫৯ গৰাকী লোকক ক’ভিড প্ৰতিষেধক দিবলৈ সক্ষম হৈছে ৰাজ্যৰ স্বাস্থ্য বিভাগ। ইয়াৰে ১,৬৩,৩১,৯৮৭ গৰাকী লোকক প্ৰথম পালি আৰু ৩৬,৭০,৬৬৯ গৰাকী লোকক দ্বিতীয় পালি ক’ভিড প্ৰতিষেধক প্ৰদান কৰা হৈছে।

উল্লেখ্য যে দেশৰ অন্য ৰাজ্যৰ লগতে অসমতো ১৬ জানুৱাৰীত ক’ভিড প্ৰতিষেধক প্ৰদান অভিযান আৰম্ভ হোৱাৰ পাছত যোৱা ২৭ জুলাইত ১ কোটি পালি প্ৰতিষেধক প্ৰদানৰ সফলতা অৰ্জন কৰিবলৈ হৈছিল ৰাজ্যৰ স্বাস্থ্য বিভাগ। আনহাতে ২৮ জুলাইৰ পৰা শনিবাৰে সন্ধিয়ালৈকে ৪৬ দিনৰ ভিতৰতে আৰু এক কোটি লোকক ক’ভিড প্ৰতিষেধক প্ৰদানত সফলতাৰে মুঠ ২ কোটি পালি প্ৰতিষেধকৰ সীমাও অতিক্রম কৰিলে স্বাস্থ্য বিভাগে।

এই সফলতাৰ বাবে ৰাজ্যবাসীক অভিনন্দন জনোৱাৰ লগতে এ এন এম তথা স্বাস্থ্যকৰ্মীসকলক স্বাস্থ্যমন্ত্ৰী কেশৱ মহন্তই ধন্যবাদ জনাইছে। স্বাস্থ্যমন্ত্ৰী মহন্তই এক বাৰ্তাত উল্লেখ কৰে যে মুখ্যমন্ত্ৰী ড০ হিমন্ত বিশ্ব শৰ্মাৰ দিক-দৰ্শনত ৰাজ্য চৰকাৰৰ স্বাস্থ্য বিভাগে ৰাজ্যবাসীক ক’ভিড অতিমাৰীৰ পৰা সুৰক্ষিত কৰিবলৈ চলাই থকা ক’ভিড প্ৰতিষেধক অভিযানে আন এক মহত্বপূৰ্ণ সফলতা লাভ কৰিলে। ৰাজ্যবাসীৰ ব্যাপক সঁহাৰিৰ বাবেই অসমে ২ কোটি পালি ক’ভিড প্ৰতিষেধক প্ৰদানৰ সীমা অতিক্ৰম কৰিবলৈ সক্ষম হৈছে। ৰাজ্যবাসীৰ মাজত ক’ভিড প্ৰতিষেধক প্ৰদানত মূল ভূমিকা লোৱা প্ৰতিগৰাকী এ এন এম তথা স্বাস্থ্যকৰ্মী, আশাকৰ্মী, গাঁওবুঢ়া, স্বাস্থ্য বিভাগৰ বিষয়া-কৰ্মচাৰীসকললৈ ইয়াৰ বাবে চৰকাৰৰ তৰফৰ পৰা স্বাস্থ্যমন্ত্রীয়ে বিশেষ ভাৱে কৃতজ্ঞতা জ্ঞাপন কৰে। জিলাসমূহত এই ক’ভিড প্ৰতিষেধক অভিযান নিয়াৰিকৈ তদাৰক কৰাৰ বাবে জিলা প্ৰশাসনসমূহলৈয়ো ধন্যবাদ জনাই স্বাস্থ্যমন্ত্রীগৰাকীয়ে। ১৮ বছৰৰ ঊৰ্দ্ধৰ সকলোৰে বাবে বিনামূলীয়া ক’ভিড প্ৰতিষেধক প্ৰদানৰ সুবিধা আগবঢ়োৱাৰ লগতে অসমলৈ বিশেষ উদ্যোগ লৈ ক’ভিড প্ৰতিষেধক প্ৰেৰণৰ বাবে প্ৰধানমন্ত্ৰী নৰেন্দ্ৰ মোদী আৰু কেন্দ্ৰীয় স্বাস্থ্যমন্ত্ৰী মনসুখ মন্দাভিয়াৰ প্ৰতি স্বাস্থ্যমন্ত্ৰী মহন্তই ৰাজ্যবাসীৰ হৈ বিশেষ কৃতজ্ঞতা জ্ঞাপন কৰে। 

উল্লেখ্য যে কেন্দ্ৰীয় চৰকাৰে ১৮ বছৰৰ ঊৰ্দ্ধৰ সকলোৰে বাবে বিনামূলীয়া প্ৰতিষেধক মুকলিৰ সিদ্ধান্ত লোৱাৰ পাছতে ৰাজ্যৰ স্বাস্থ্য বিভাগে অসমত ২১ জুনৰ পৰা ক’ভিড প্ৰতিষেধক অভিযান জোৰদাৰ কৰি তোলিছিল। সেইমতে ৰাজ্যত আৰম্ভণিৰ পৰা আজিলৈকে স্বাস্থ্যকৰ্মীসকলৰ মাজত মুঠ ৩,৯৫,৬৩৪ পালি, আৰক্ষীসহ ফ্ৰণ্টলাইন ৱৰ্কাৰৰ মাজত মুঠ ৮,১১,৯২৯ পালি, ১৮ বছৰৰ ঊৰ্দ্ধৰ পৰা ৪৫ বছৰৰ অনূৰ্দ্ধৰ মাজত ১,০৯,১৯,৫৫৩ পালি, ৪৫ বছৰৰ পৰা ৬০ বছৰ অনূৰ্দ্ধৰ লোকৰ মাজত ৫৩,৩১,০০২ পালি আৰু ৬০ বছৰৰ ঊৰ্দ্ধৰ লোকৰ মাজত ২৫,৪৪,৯১৯ পালি ক’ভিড প্ৰতিষেধক প্ৰদান কৰিছে স্বাস্থ্য বিভাগে। ইফালে ১৩ ছেপ্তেম্বৰৰ পৰা ৰাজ্যত দৈনিক গড়ে ৪ লাখ গৰাকীকৈ লোকক ক’ভিড প্ৰতিষেধক প্ৰদানৰ লগতে কেইবাখনো জিলাত ভ্ৰাম্যমান ক’ভিড প্ৰতিষেধক প্ৰদান বাহনৰ জৰিয়তে চুবুৰীয়ে চুবুৰীয়ে গৈ ৰাইজক প্ৰতিষেধক দিয়াৰ বিশেষ কাৰ্যসূচী গ্ৰহণ কৰিছে স্বাস্থ্য বিভাগে। ৰাজ্যৰ ১৮ বছৰৰ ঊৰ্দ্ধৰ সকলো লোককে ১৫ অক্টোবৰৰ পূৰ্বেই প্ৰথম পালি ক’ভিড প্ৰতিষেধক দি সম্পূৰ্ণ কৰিব পৰা যাব বুলিও বিভাগটোৱে আশা কৰিছে।

উল্লেখ যে বিগত ২৪ ঘণ্টাত অসমত নতুনকৈ ৪৯৯ গৰাকী লোক ক’ভিডত আক্ৰান্ত হৈছে। এই সময়চোৱাত ৰাজ্যৰ ৭১৬৩৮ গৰাকী লোকৰ ক’ভিড টেষ্ট কৰা হৈছিল। আক্ৰান্তৰ হাৰ ০.৭০ শতাংশ। আক্ৰান্তৰ ১৩৩ গৰাকী  কামৰূপ মহানগৰ জিলাৰ। ইফালে বিগত ২৪ ঘণ্টাত ৰাজ্যত কৰ’ণাত আক্ৰান্ত হৈ ৮ গৰাকী লোকৰ মৃত্যু হয়। অসমত বৰ্তমান আৰোগ্যৰ হাৰ ৯৮.০৪ শতাংশ।

গুৱাহাটী

গুৱাহাটী মহানগৰীৰ চাঞ্চল্যকৰ হত্যাকাণ্ড

হত্যাকাণ্ড

গুৱাহাটী,২২ অক্টোবৰঃ গুৱাহাটী মহানগৰীৰ পশ্চিম বৰাগাঁৱত সংঘটিত হৈছে এক চাঞ্চল্যকৰ হত্যাকাণ্ড। স্বামীয়ে নৃশংসভাৱে হত্যা কৰি পত্নীৰ মৃতদেহ লুকুৱাই ৰাখিলে ভাড়াতীয়াৰ পাকঘৰত। আৰক্ষীয়ে এটা কোঠাৰ ভিতৰত ক্ষত-বিক্ষত অৱস্থাত উদ্ধাৰ কৰিলে মহিলাগৰ‍কীৰ মৃতদেহ। মৃত মহিলাগৰাকীৰ নাম আন্তিমা গুপ্তা বুলি জানিব পৰা গৈছে।

উল্লেখ যে বুধবাৰে মহিলাগৰাকীৰ স্বামী সন্তোষ গুপ্তাই তেওঁৰ পত্নী নিখোঁজ হোৱা বুলি গড়চুক আৰক্ষীক অৱগত কৰিছিল। স্বামী সন্তোষ গুপ্তাই পত্নীক পৰিকল্পিতভাৱে হত‍্যা কৰি নাটকীয় ৰূপ দিয়‍ৰ প্ৰচেষ্টা কৰিছিল। সন্তোষ গুপ্তাই পত্নী আন্তিমা গুপ্তাক হত্যা কৰি মৃতদেহটো লুকুৱাই ৰাখিছিল সন্তোষ গুপ্তাৰ ঘৰতে ভাড়াতীয়া হিচাপে থকা দেৱযানী দাস নামৰ মহিলাগৰাকীৰ ৰান্ধনীঘৰত। কিন্তু বৃহস্পতিবাৰে নিশা দেৱযানী দাসে তেওঁৰ স্বামীৰ সৈতে গড়চুক আৰক্ষী থানাত হাজিৰ হৈ তেওঁলোকৰ ৰান্ধনী ঘৰত সন্তোষ গুপ্তাই তেওঁৰ পত্নীৰ মৃতদেহটো লুকুৱাই ৰখাৰ কথা জনায়। সন্তোষ গুপ্তাই হত‍্যাকাণ্ডৰ ঘটনাটো লুকুৱাই ৰাখিবলৈ দেৱযানী দাসক নিৰ্দেশ দিছিল যদিও অৱশেষত তেওঁলোক আৰক্ষীৰ কাষ চাপে। তেওঁলোকৰ কথাৰ ভিত্তিত বৃহস্পতিবাৰে নিশাই ঘটনাস্থলীৰ পৰা আৰক্ষীয়ে মৃতদেহটোৰ লগতে এটা মোবাইল ফোন উদ্ধাৰ কৰে। আৰক্ষীয়ে সোধা-পোছাৰ বাবে আটক কৰিছে দেৱযানী দাস আৰু তেওঁৰ স্বামীক।

ইতিমধ্যে গ্ৰেপ্তাৰ কৰা হৈছে হত‍্যাকাৰী সন্তোষ গুপ্তাক। ধৃত সন্তোষ গুপ্তা পেছাত এগৰাকী চাৰ্টাৰ একাউণ্টেণ্ট। জানিব পৰা মতে আন্তিমা গুপ্তাৰ সৈতে সন্তোষ গুপ্তাৰ বিবাহ পাশত আবদ্ধ হোৱা ৭ বছৰ হৈছিল যদিও তেওঁলোক নিঃসন্তান আছিল। ঘটনা সন্দৰ্ভত আৰক্ষীৰ তদন্ত অব্যাহত আছে যদিও হত্যাৰ কাৰণ এতিয়াও জানিব পৰা হোৱা নাই।

Continue Reading

গুৱাহাটী

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা হিন্দু লোকক সুৰক্ষা নিশ্চিত কৰাৰ দাবীত প্ৰতিবাদী কাৰ্যসূচী পালন কৰে বিজেপিৰ প্ৰাক্তন বিধায়ক শিলাদিত্য দেৱ আৰু হিন্দুত্ববাদী নেতা সত্যৰঞ্জন বৰাই।

কুতুম্ব সুৰক্ষা মিছনৰ জৰিয়তে প্ৰতিবাদী কাৰ্যসূচী ৰূপায়ণ কৰে। বাংলাদেশৰ উচ্চায়ুক্তৰ জৰিয়তে দেশখনৰ প্ৰধানমন্ত্ৰীলৈ পত্ৰ প্ৰেৰণ কৰে শিলাদিত্য দেৱ আৰু সত্যৰঞ্জন বৰাই। উল্লেখ যে বিগত কেইটামান দিন ধৰি বাংলাদেশত হিন্দু লোকসকল অত্যাচাৰৰ সন্মুখীন হৈ আহিছে। হিন্দু লোকসকলৰ ওপৰত নিৰ্যাতন বন্ধ কৰাৰ লগতে দেশখনত হিন্দু লোকসকলৰ সুৰক্ষা নিশ্চিত কৰিবলৈ দাবী জনাই সোমবাৰে আকাশ বতাহ গৰম কৰি তোলে প্ৰতিবাদকাৰী লোকসকলে। এইক্ষেত্ৰত সত্য ৰঞ্জন বৰাই কয় যে বাংলাদেশত আক্ৰমণৰ সন্মুখীন হোৱা হিন্দু লোকসকলক অসমে গ্ৰহণ কৰাৰ প্ৰশ্ন নুঠে। সেই বুলি বাংলাদেশত হিন্দুসকলক পৰুৱাৰ দৰে মাৰিবলৈও দিয়া নহ’ব বুলি কয় হিন্দুত্ববাদী নেতাগৰাকীয়ে।

Continue Reading

গুৱাহাটী

চি বি আই, আয়কৰ আৰু ইডি বিজেপি চৰকাৰৰ পুতলা

প্ৰদেশ কংগ্ৰেছ

গুৱাহাটী,১৬ অক্টোবৰঃ বিজেপি চৰকাৰে চি বি আই, আয়কৰ বিভাগ আৰু ইডি আদি সংস্থাসমূহক ৰাজনৈতিক প্ৰতিদ্বন্দ্বিৰ বিৰুদ্ধে পুতলাৰ দৰে ব্যৱহাৰ কৰিছে। এই অভিযোগ প্ৰদেশ কংগ্ৰেছৰ প্ৰাক্তন সভাপতি তথা ৰাজ্যসভাৰ সাংসদ ৰিপুন বৰাৰ।

শনিবাৰে গুৱাহাটীৰ ৰাজীৱ ভৱনত আয়োজন কৰা এখন সংবাদমেলত সাংসদগৰাকীয়ে বিজেপি চৰকাৰৰ বিৰুদ্ধে সৰৱ হৈ কেতবোৰ বিস্ফোৰক অভিযোগ উত্থাপন কৰে। তেওঁ কয়-‘ কেন্দ্ৰত বিজেপিৰ ৭ বছৰীয়া কাৰ্যকালত আজিলৈকে বিজেপিৰ এজন নেতাৰ বিৰুদ্ধে চি বি আই, আয়কৰ নাইবা ইডিৰ গোচৰ হোৱা নাই। কিন্তু ইয়াৰ বিপৰীতে বিজেপি চৰকাৰে কংগ্রেছ দলকে ধৰি বিভিন্ন বিৰাধী দলৰ বহু কেইগৰাকী নেতাক চি বি আই, আয়কৰ আৰু ইডি গাচেৰত তেওঁলােকৰ ঘৰত অভিযান চলোৱা, সম্পত্তি বাজেয়াপ্ত কৰাকে ধৰি বিভিন্ন ধৰণৰ গাচেৰ ৰুজু কৰি কেৱল হাৰাশাস্তি কৰাই নহয় বিৰাধীৰ কণ্ঠ ৰাধে কৰিবলৈ বিভিন্ন ধৰণে অপচেষ্টা চলাই আহিছে।’

সংবাদমেল যোগে সাংসদ ৰিপুন বৰাই বিজেপি চৰকাৰৰ চক্ৰান্তৰ বিষয়ে উল্লেখ কৰি কয়-‘ প্রাক্তন কেন্দ্রীয় গৃহ মন্ত্রী তথা জ্যেষ্ঠ কংগ্ৰেছ নেতা পি চিদাম্বৰাম আৰু তেওঁৰ পুত্র কার্তিক চিদাম্বৰামক ২০১৯ চনৰ শেষৰফালে কেইমাহ ধৰি চি হি আই গাচেৰত জেলত আবদ্ধ কৰি ৰাখিছিল। সেইদৰে কর্ণাটকৰ প্ৰাক্তনমন্ত্রী, বর্তমান কর্ণাটক প্রদেশ কংগ্ৰেছৰ সভাপতি ডি কে শ্রীকুমাৰক দীর্ঘদিন ধৰি আয়কৰ গাচেৰ সংক্রান্তত জেলত আৱদ্ধ কৰি ৰাখিছিল।’ নির্বাচনৰ প্ৰাকমুহূর্তত বিভিন্ন বিৰাধী দলৰ নেতাৰ বিৰুদ্ধে বিজেপি চৰকাৰে চক্ৰান্তমূলকভাৱে জাপি দিয়া গোচৰ সন্দৰ্ভত তেওঁ তথ্য সহকাৰে কেতবোৰ দিশ উল্লেখ কৰে।

Continue Reading

আপডেট খবর

ড্ৰাগ ড্ৰাগ
অসম2 hours ago

কাছাৰ জিলাত পুনৰ বৃহৎ পৰিমাণৰ ড্ৰাগছ জব্দ

গুৱাহাটী,২৩ অক্টোবৰঃ ৰাজ্যত এইবাৰ ড্ৰাগছৰ কেন্দ্ৰস্থল হৈ পৰিছে কাছাৰ জিলা। জিলাখনত পুনৰ কোটি টকাৰ ড্ৰাগছ জব্দ। কাৰ্বি আংলঙৰ পিছত এইবাৰ...

ইকবাল হুছেইন ইকবাল হুছেইন
বিশ্ব1 day ago

বাংলাদেশৰ হিংসাত্মক ঘটনাৰ আঁৰৰ মূল অভিযুক্তক গ্ৰেপ্তাৰ

গুৱাহাটী,২২ অক্টোবৰঃ বাংলাদেশত শেহতীয়াকৈ সংঘটিত হিংসাত্মক ঘটনাৰ আঁৰৰ মূল অভিযুক্তক দেশখনৰ আৰক্ষীয়ে গ্ৰেপ্তাৰ কৰিছে। আটক কৰা লোকজনৰ নাম ইকবাল হুছেইন। উল্লেখ...

সুৰা সুৰা
অসম1 day ago

ৰাজ্যজুৰি শাৰদীয় দুর্গোৎসৱৰ সময়ত প্রায় ৩৫০ কোটি টকাৰ সুৰা বিক্ৰী

গুৱাহাটী,২২ অক্টোবৰঃ ক’ভিড পৰিস্থিতিৰ পৰিপ্ৰেক্ষিতত ৰাজ্যখনৰ অৰ্থনৈতিক অৱস্থা এতিয়াও সুস্থিৰ হোৱা নাই। সেইদৰে ৰাজ্যবাসীয়েও ক’ভিড পৰিস্থিতিয়ে জুৰুলা কৰা অৱস্থাৰ পৰা...

উপ নির্বাচন উপ নির্বাচন
অসম1 day ago

উপ নির্বাচনত ৭,৯৬,৪৫৬ গৰাকী ভােটাৰে সাব্যস্ত কৰিব গণতান্ত্রিক অধিকাৰ

গুৱাহাটী,২২ অক্টোবৰঃ অসম বিধান সভাৰ পাঁচটা সমষ্টি ক্রমে ২৮-গােসাইগাঁও, ৪১-ভৱানীপুৰ, ৫৮-তামুলপুৰ, ১০১-মৰিয়নী আৰু ১০৭-থাওৰাত ৩০ অক্টোবৰত অনুষ্ঠিত হ’ব উপনিৰ্বাচন। মুঠ...

হত্যাকাণ্ড হত্যাকাণ্ড
গুৱাহাটী1 day ago

গুৱাহাটী মহানগৰীৰ চাঞ্চল্যকৰ হত্যাকাণ্ড

গুৱাহাটী,২২ অক্টোবৰঃ গুৱাহাটী মহানগৰীৰ পশ্চিম বৰাগাঁৱত সংঘটিত হৈছে এক চাঞ্চল্যকৰ হত্যাকাণ্ড। স্বামীয়ে নৃশংসভাৱে হত্যা কৰি পত্নীৰ মৃতদেহ লুকুৱাই ৰাখিলে ভাড়াতীয়াৰ...

প্ৰতিবাদ প্ৰতিবাদ
গুৱাহাটী5 days ago

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা...

Trending