Connect with us

অসম

ক্ৰিকেটাৰ যুৱৰাজ সিঙৰ ৫০ বিচনাৰ ক্ৰিটিকেল কেয়াৰ ইউনিট উদ্বোধন

Yuvraj Singh

গুৱাহাটী,১৭ ছেপ্টেম্বৰ : দেশৰ তাৰকা ক্ৰিকেটাৰ যুৱৰাজ সিঙে ডিব্ৰুগড়ৰ অসম চিকিৎসা মহাবিদ্যালয় চিকিৎসালয়লৈ আগবঢ়োৱা ৫০খন বিচনাৰ ‘ক্ৰিটিকেল কেয়াৰ ইউনিট’ (চিচিইউ) এটা বৃহস্পতিবাৰে আনুষ্ঠানিকভাৱে শুভ উদ্বোধন কৰে ৰাজ্যৰ স্বাস্থ্য আৰু পৰিয়াল কল্যাণ মন্ত্ৰী কেশৱ মহন্তই। ভাৰতীয় ক্ৰিকেট দলৰ প্ৰাক্তন খেলুৱৈগৰাকীৰ দাতব্য সংস্থা ‘ইউউইকেন ফাউণ্ডেচন’ৰ পৃষ্ঠপোষকতাত অসমৰ সবাতোকৈ পুৰণি চিকিৎসা মহাবিদ্যালয় চিকিৎসালয়খনত সংযোজিত এই চি চি ইউৰ ভাৰ্চুৱেল উদ্বোধনী অনুষ্ঠানত ফাউণ্ডেচনৰ প্ৰতিষ্ঠাপক যুৱৰাজ সিঙৰ লগতে তেওঁৰ মাতৃ তথা ফাউণ্ডেচনৰ অধ্যক্ষা শ্বৱনম সিঙেও চণ্ডীগড়ৰ পৰা ভিডিঅ’ কনফাৰেন্সিঙৰ জৰিয়তে যোগদান কৰে। বৃহস্পতিবাৰে বিয়লি গুৱাহাটীস্থিত এন এইছ এমৰ ৰাজ্যিক কাৰ্যালয়ৰ পৰা ভিডিঅ’ কনফাৰেন্সিঙৰ জৰিয়তে স্বাস্থ্যমন্ত্ৰী মহন্তৰ সৈতে এন এইচ এমৰ ৰাজ্যিক অভিযান সঞ্চালক ডাঃ এছ লক্ষ্মনন আৰু কাৰ্যবাহী সঞ্চালক ডাঃ মনোজ চৌধুৰীয়ে অংশগ্ৰহণ কৰা এই অনুষ্ঠানত ডিব্ৰুগড়ৰ পৰা অসম চিকিৎসা মহাবিদ্যালয়ৰ চিকিৎসালয়ৰ অধীক্ষক তথা অধ্যাপক ডাঃ প্ৰশান্ত দিহিংগীয়া আৰু অধ্যাপিকা ডাঃ জলী ৰাভা আৰু নতুন দিল্লীৰ পৰা উৱান ইণ্ডিয়া এণ্টাৰটেইনমেণ্টৰ পৰিচালন সঞ্চালক ছবিৰ মমিন, এচেনচিউৰ ইণ্ডিয়াৰ পৰিচালন সঞ্চালিকা ক্ষিতিজা কৃষ্ণাস্বামীৰ লগতে ইউউইকেন ফাউণ্ডেচনৰ কাৰ্যবাহী পুনম নন্দাই ভাগ লয়। চলিত বৰ্ষত ক’ভিডৰ দ্বিতীয় ঢৌ তুংগত উঠাৰ সময়তে প্ৰাক্তন তাৰকা ক্ৰিকেটাৰগৰাকীৰ দাতব্য সংস্থাটোৱে অসম চৰকাৰৰ ক’ভিড বিৰোধী যুঁজত সহায়ক হোৱাকৈ ডিব্ৰুগড়ৰ চিকিৎসা মহাবিদ্যালয় চিকিৎসালয়খনত সদ্যহতে গুৰুতৰ ভাৱে ক’ভিডত আক্ৰান্ত লোকক চিকিৎসা আগবঢ়োৱাৰ বাবে প্ৰথম পৰ্যায়ত দহখন আই চি ইউ ভেণ্টিলেটৰযুক্ত বিচনাসহ মুঠ ৫০খন অক্সিজেনৰ সুবিধা থকা বিচনাৰ এই চি চি ইউটো স্থাপনৰ ব্যৱস্থা কৰে। যুৱৰাজ সিঙৰ ফাউণ্ডেচনটোৱে দ্বিতীয় পৰ্যায়ত পুনৰ আন ১০খন আই চি ইউ ভেণ্টিলেটৰ সুবিধাযুক্ত বিচনাসহ ৫০খন অক্সিজেন বিচনা এই চি চি ইউৰ বাবে শীঘ্ৰে আগবঢ়াব। ইউউইকেন ফাউণ্ডেচনৰ ‘ক্ৰিটিকেল কেয়াৰ চিকিৎসাৰ বাবে ১০০০খন বিচনা অভিযান’ কাৰ্যসূচীৰ অংশ হিচাপে অসম চিকিৎসা মহাবিদ্যালয় চিকিৎসালয়লৈ এই চি চি ইউ দান কৰিছে। ক’ভিড পৰিস্থিতি অন্ত পৰাৰ পাছত এই চি চি ইউক কৰ্কট ৰোগত আক্ৰান্ত শিশুৰ চিকিৎসাৰ বাবে ব্যৱহৃত হ’ব। আজিৰ ভাৰ্চুৱেল উদ্বোধনী অনুষ্ঠানত মুখ্য অতিথি হিচাপে অংশগ্ৰহণ কৰি স্বাস্থ্যমন্ত্ৰী মহন্তই ভাৰতৰ তাৰকা ক্ৰিকেটাৰ যুৱৰাজ সিং আৰু তেওঁৰ দাতব্য সংস্থাটোক অসম চিকিৎসা মহাবিদ্যালয় চিকিৎসালয়লৈ আগবঢ়োৱা এই অৱদানৰ বাবে কৃতজ্ঞতা জনোৱাৰ লগতে কৰ্কট ৰোগাক্ৰান্ত শিশুসকলৰ চিকিৎসাৰ ক্ষেত্ৰত সহায়ক হোৱাকৈ ইউউইকে ফাউণ্ডেচনে দেশজুৰি হাতত লোৱা এনে মহৎ প্ৰয়াসৰ ভূয়সী প্ৰশংসা কৰে। যুৱৰাজ সিঙে উজনী অসমৰ চিকিৎসালয়খনত স্থাপন কৰা এই চিচিইউ স্থাপন কাৰ্যক শিশু আৰু সমাজৰ দুৰ্বল শ্ৰেণীৰ লোকসকলক উপকাৰ সাধিবলৈ তেওঁৰ ফাউণ্ডেচনে চলোৱা প্ৰয়াসৰ অংশ বুলি অভিহিত কৰি আগন্তুক দিনতো এই প্ৰয়াসক আৰু অধিক ফলপ্ৰসু ৰূপত আগবঢ়াই নিবলৈ যত্নবান হ’ব বুলি দোহাৰে।

Continue Reading
Click to comment

Leave a Reply

Your email address will not be published. Required fields are marked *

গুৱাহাটী

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা হিন্দু লোকক সুৰক্ষা নিশ্চিত কৰাৰ দাবীত প্ৰতিবাদী কাৰ্যসূচী পালন কৰে বিজেপিৰ প্ৰাক্তন বিধায়ক শিলাদিত্য দেৱ আৰু হিন্দুত্ববাদী নেতা সত্যৰঞ্জন বৰাই।

কুতুম্ব সুৰক্ষা মিছনৰ জৰিয়তে প্ৰতিবাদী কাৰ্যসূচী ৰূপায়ণ কৰে। বাংলাদেশৰ উচ্চায়ুক্তৰ জৰিয়তে দেশখনৰ প্ৰধানমন্ত্ৰীলৈ পত্ৰ প্ৰেৰণ কৰে শিলাদিত্য দেৱ আৰু সত্যৰঞ্জন বৰাই। উল্লেখ যে বিগত কেইটামান দিন ধৰি বাংলাদেশত হিন্দু লোকসকল অত্যাচাৰৰ সন্মুখীন হৈ আহিছে। হিন্দু লোকসকলৰ ওপৰত নিৰ্যাতন বন্ধ কৰাৰ লগতে দেশখনত হিন্দু লোকসকলৰ সুৰক্ষা নিশ্চিত কৰিবলৈ দাবী জনাই সোমবাৰে আকাশ বতাহ গৰম কৰি তোলে প্ৰতিবাদকাৰী লোকসকলে। এইক্ষেত্ৰত সত্য ৰঞ্জন বৰাই কয় যে বাংলাদেশত আক্ৰমণৰ সন্মুখীন হোৱা হিন্দু লোকসকলক অসমে গ্ৰহণ কৰাৰ প্ৰশ্ন নুঠে। সেই বুলি বাংলাদেশত হিন্দুসকলক পৰুৱাৰ দৰে মাৰিবলৈও দিয়া নহ’ব বুলি কয় হিন্দুত্ববাদী নেতাগৰাকীয়ে।

Continue Reading

অসম

পেঞ্চন বিতৰণৰ ক্ষেত্ৰত সংস্কাৰ অনাৰ বাবে কেতবোৰ সিদ্ধান্ত

পেঞ্চন

গুৱাহাটী,১৮ অক্টোবৰঃ কইনাধৰাত মুখ্যমন্ত্ৰী ড° হিমন্ত বিশ্ব শৰ্মাৰ অধ্যক্ষতাত অনুষ্ঠিত এখন বৈঠকত ৰাজ্য চৰকাৰৰ কৰ্মচাৰীসকলৰ অৱসৰৰ পাছত পেঞ্চন বিতৰণৰ ক্ষেত্ৰত পৰিৱৰ্তনশীল সংস্কাৰ অনাৰ ক্ষেত্ৰত কেতবোৰ সিদ্ধান্ত গ্ৰহণ কৰা হয়। গ্ৰহণ কৰা সিদ্ধান্ত অনুসৰি সকলো পেঞ্চন সম্পৰ্কীয় কাগজ-পাতি ‘কৃতজ্ঞতা’(পেঞ্চন পৰিশোধ আৰু ট্ৰেকিং প্ৰণালী) প’ৰ্টেলযোগে দাখিল কৰিব লাগিব। পেঞ্চন সম্পৰ্কীয় কাগজ-পাতি অনলাইনযোগে দাখিল কৰাৰ ক্ষেত্ৰত শিক্ষা বিভাগৰ লগতে সকলো চৰকাৰী বিভাগৰ বাবে ৰাজ্যজুৰি সকলো জিলাতে সেৱা কেন্দ্ৰ স্থাপন কৰা হ’ব। পেঞ্চন সঞ্চালকে পেঞ্চন সম্পৰ্কীয় বিষয়ৰ বিভিন্ন প্ৰয়োজনীয়তা পূৰণৰ বাবে ডিজিটেল স্বাক্ষৰ ব্যৱহাৰ কৰিব। যিকোনো চৰকাৰী কৰ্মচাৰীৰ দ্বাৰা ৩ লাখ টকালৈকে অতিৰিক্ত ড্ৰ’লৰ বাবে  পেঞ্চন সঞ্চালকক ৰেহাই দিয়াৰ বাবে কৰ্তৃত্ব দিয়া হ’ব। যিকোনো কৰ্মচাৰীৰ অৱসৰ গ্ৰহণৰ এবছৰ আগৰ পৰা পেঞ্চন প্ৰক্ৰিয়া আৰম্ভ কৰিব লাগিব।

এন আই চিয়ে পেঞ্চনৰ দ্ৰুত কাৰ্য ব্যৱস্থাৰ বাবে বিভিন্ন বিভাগৰ সৈতে সহযোগিতা স্থাপনৰ দ্বাৰা ‘কৃতজ্ঞতা’ প’ৰ্টেলৰ সৈতে সামগ্ৰিক কোষাগাৰ ব্যৱস্থাপনা তথ্য প্ৰণালী (CTMIS)ক একত্ৰিত কৰিব। এতিয়াৰ পৰা ৰাজ্য চৰকাৰৰ পেঞ্চনাৰসকলে তেওঁলোকৰ লাইফ চাৰ্টিফিকেট নিজ নিজ বেংক শাখাত ডিজিটেল বায়’মেট্ৰিক সেৱা ‘জীৱন প্ৰমাণ’ৰ দ্বাৰা দাখিল কৰিব পাৰিব। ৰাজ্য চৰকাৰে এই সন্দৰ্ভত প্ৰয়োজনীয় অধিসূচনা জাৰি কৰিব।

ৰাজ্যখনৰ আঠখন চিকিৎসা মহাবিদ্যালয়ক চিকিৎসা পৰিষদ  গঠনৰ ক্ষমতা প্ৰদান কৰা হ’ব।

বৈঠকৰ অংশ হিচাপে মুখ্যমন্ত্ৰীয়ে সংশ্লিষ্ট বিষয়াসকলক ৰাজ্য চৰকাৰৰ কৰ্মচাৰী আৰু পেঞ্চনাৰসকলৰ সহায়ৰ হেতু উৎকৃষ্ট পদ্ধতিৰ পৰিকল্পনা আৰু ৰূপায়ণৰ বাবে নিয়মীয়া আলোচনা অনুষ্ঠিত কৰিবলৈ নিৰ্দেশনা প্ৰদান কৰে।

বৈঠকত মুখ্যমন্ত্ৰীৰ প্ৰধান সচিব সমীৰ কুমাৰ সিনহা, মুখ্য একাউণ্টেণ্ট জেনেৰেল এ জি গুলজাৰী লাল, প্ৰধান শিক্ষা সচিব বি কল্যাণ চক্ৰৱৰ্তী উপস্থিত থাকে।

Continue Reading

অসম

কংগ্ৰেছ-বি পি এফৰ কেইবাজনো নেতাৰ বিজেপিত যোগদান

কংগ্ৰেছ-বি পি এফ

গুৱাহাটী,১৮ অক্টোবৰঃ চাহ জনগোষ্ঠীক প্ৰতিনিধিত্ব কৰা কংগ্ৰেছৰ দুই প্ৰভাৱশালী যুৱ নেতাই দেওবাৰে বিজেপিত যোগদান কৰে। কংগ্রেছৰ প্রাক্তন ৰাজ্যিক সম্পাদক তথা প্রাক্তন মন্ত্রী ৰামেশ্বৰ ধানােৱাৰৰ পুত্ৰ গৌতম ধানােৱাৰ আৰু অসম চাহ মজদুৰ কংগ্ৰেছৰ প্রাক্তন সভাপতি তথা অসম বিধান সভাৰ প্রাক্তন অধ্যক্ষ পৃথিৱী মাঝিৰ পুত্র প্রদীপ মাঝিয়ে আজি আনুষ্ঠানিকভাৱে বিজেপিত যোগদান কৰে। এই উপলক্ষ্যে বিজেপিৰ ৰাজ্যিক মুখ্য কাৰ্যালয়ত এক অনুষ্ঠানৰ আয়োজন কৰা হয়। বিজেপিৰ ৰাজ্যিক সভাপতি ভৱেশ কলিতাই দুয়োজন নেতাক দলত আদৰণী জনায়। আনহাতে আজিৰ অনুষ্ঠানত প্রদেশ কংগ্ৰেছৰ প্রাক্তন সম্পাদক শৈলেন কলিতা, বি টি আৰৰ এম চি এল এ ৰাজীৱ ব্ৰহ্ম আৰু প্রভাত বসুমতাৰী, কংগ্ৰেছ কমী চুমি কলিতা, হিমাংশু শেঠীয়া, অধিবক্তা মিন্টু কলিতা, ছাত্র নেতা হিৰক দাস, সাংস্কৃতিক কর্মী শেখৰ

জ্যোতি বৈশ্যকে ধৰি বিভিন্ন দলৰ বহু কেইজন লােকে বিজেপিত যোগদান কৰে। ‌অনুষ্ঠানত ৰাজ্যিক বিজেপিৰ সাংগঠনিক সাধাৰণ সম্পাদক ফনীন্দ্র নাথ শৰ্মা, সাধাৰণ সম্পাদক পল্লৱলােচন দাস আৰু ৰাজ্যিক উপ

সভাপতি জয়ন্ত কুমাৰ দাসে উপস্থিত আছিল। দলত সকলোকে আদৰণী জনাই ৰাজ্যিক সভাপতি ভৱেশ কলিতাই কয় যে এই যোগদানৰ যোগেদি দলৰ ভেঁটি আৰু অধিক শক্তিশালী হ’ব।

Continue Reading

আপডেট খবর

প্ৰতিবাদ প্ৰতিবাদ
গুৱাহাটী1 day ago

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা...

পেঞ্চন পেঞ্চন
অসম1 day ago

পেঞ্চন বিতৰণৰ ক্ষেত্ৰত সংস্কাৰ অনাৰ বাবে কেতবোৰ সিদ্ধান্ত

গুৱাহাটী,১৮ অক্টোবৰঃ কইনাধৰাত মুখ্যমন্ত্ৰী ড° হিমন্ত বিশ্ব শৰ্মাৰ অধ্যক্ষতাত অনুষ্ঠিত এখন বৈঠকত ৰাজ্য চৰকাৰৰ কৰ্মচাৰীসকলৰ অৱসৰৰ পাছত পেঞ্চন বিতৰণৰ ক্ষেত্ৰত...

কংগ্ৰেছ-বি পি এফ কংগ্ৰেছ-বি পি এফ
অসম1 day ago

কংগ্ৰেছ-বি পি এফৰ কেইবাজনো নেতাৰ বিজেপিত যোগদান

গুৱাহাটী,১৮ অক্টোবৰঃ চাহ জনগোষ্ঠীক প্ৰতিনিধিত্ব কৰা কংগ্ৰেছৰ দুই প্ৰভাৱশালী যুৱ নেতাই দেওবাৰে বিজেপিত যোগদান কৰে। কংগ্রেছৰ প্রাক্তন ৰাজ্যিক সম্পাদক তথা...

আই এছ আই আই এছ আই
অসম1 day ago

ৰাজ্যত আই এছ আই আৰু অল কায়দাৰ ভয়ংকৰ কূটাঘাতৰ আশংকা

গুৱাহাটী,১৮ অক্টোবৰঃ এখন বিশেষ পত্ৰই এতিয়া হাহাকাৰ লগাইছে ৰাজ্যৰ গৃহ বিভাগত। ৰাজ্যত ইছলামিক সন্ত্ৰাসবাদী সংগঠনৰ ভয়ংকৰ কূটাঘাতৰ আশংকা। জনসমাগম হোৱা...

ভয়ংকৰ অগ্নিকাণ্ড ভয়ংকৰ অগ্নিকাণ্ড
ভাৰত1 day ago

গুজৰাটৰ চুৰাটত ভয়ংকৰ অগ্নিকাণ্ড

গুৱাহাটী,১৮ অক্টোবৰঃ গুজৰাটৰ চুৰাটত সোমবাৰে পুৱাই সংঘটিত হ’ল এক বৃহৎ অগ্নিকাণ্ড। অগ্নিকাণ্ডৰ ফলক ২ জন শ্ৰমিকৰ মৃত্যু হোৱাৰ লগতে আহত...

কাতি বিহু কাতি বিহু
অসম1 day ago

ৰাজ্যজুৰি কাতি বিহুৰ ব্যস্ততা

গুৱাহ‍‍াটী,১৮ অক্টোবৰঃ আজি কাতি বিহু। বিহুৰ এই সময়ত ব্যস্ত হৈ পৰিছে প্ৰতিজন অসমীয়া। কৰ’না সৃষ্ট পৰিবেশৰ মাজতে অসমৰ জাতীয় সংস্কৃতি...

Trending