Connect with us

Uncategorized

চৰকাৰৰ জলপানি প্ৰদানেৰে গাড়ী চলোৱাৰ প্ৰশিক্ষণৰ ব্যৱস্থা

গুৱাহাটী,২০ ছেপ্টেম্বৰঃ পথ দুৰ্ঘটনা হ্ৰাস কৰাৰ লগতে যুৱক-যুৱতীসকলক আত্মসংস্থাপন প্ৰদানৰ অৰ্থে প্ৰতিটো বিধানসভা সমষ্টিৰ ৫০ জনকৈ যুৱক-যুৱতীক গাড়ী চলোৱাৰ প্ৰশিক্ষণ প্ৰদানৰ বাবে কামৰূপ মহানগৰ জিলাত পদক্ষেপ গ্ৰহণ কৰা হৈছে। জিলাখনৰ বাচনি আৰু পৰীক্ষণ সমিতি গঠনৰ পিছত সোমবাৰে সমিতিৰ প্ৰথমখন বৈঠক অনুষ্ঠিত হয়। সমিতিৰ অধ্যক্ষ তথা জিলা উপায়ুক্ত বিশ্বজিৎ পেগুৰ পৌৰহিত্যত উপায়ুক্তৰ কাৰ্যালয়ৰ সভাকক্ষত অভিভাৱক মন্ত্ৰীৰ প্ৰতিনিধি তথা প্ৰাক্তন মেয়ৰ মৃগেন শৰণীয়া, অতিৰিক্ত উপায়ুক্ত বিপুল কুমাৰ দাস, সহকাৰী আৰক্ষী আয়ুক্ত বিচিত্ৰ বুঢ়াগোহাঁইৰ উপস্থিত অনুষ্ঠিত সভাত যুৱক-যুৱতীক গাড়ী চলোৱাৰ প্ৰশিক্ষণ প্ৰদান কাৰ্যসূচীৰ বিষয়ে বিশদভাৱে আলোচনা কৰা হয়। সভাত জিলা পৰিবহন বিষয়া (পঞ্জীয়ণ আৰু অনুজ্ঞাপত্ৰ) গৌতম দাসে আঁচনিখনৰ বিষয়ে ব্যাখ্যা কৰি কয় যে আত্মসংস্থাপনৰ উপৰি এই আঁচনিৰ জৰিয়তে প্ৰতিজন যুৱক-যুৱতীকে তাত্বিক আৰু ব্যৱহাৰিক জ্ঞান প্ৰদানেৰে সুদক্ষ কৰি গঢ়ি তোলা হ’ব আৰু ইয়াৰ উপৰি অসমৰ পৰ্যটন ক্ষেত্ৰখনৰো সম্যক জ্ঞান প্ৰদান কৰা হ’ব।

আনহাতে সভাত ভাষণ প্ৰদান কৰি অতিৰিক্ত উপায়ুক্ত বিপুল কুমাৰ দাসে জিলাখনৰ পাঁচোটা ৰাজহ চক্ৰৰে যুৱক-যুৱতীসকলে চৰকাৰৰ এই আঁচনিৰ বিষয়ে যাতে জ্ঞাত হয়, তাৰ বাবে চক্ৰ বিষয়াসকলক নিজ-নিজ ৰাজহ চক্ৰত উপযুক্ত প্ৰচাৰ চলাবলৈ অনুৰোধ কৰে। উল্লেখযোগ্য যে এই আঁচনিৰ জৰিয়তে প্ৰতিটো বিধানসভা সমষ্টিৰ পৰা ৫০ জনকৈ যুৱক-যুৱতীক ৪৫ দিনীয়া গাড়ী চলোৱাৰ প্ৰশিক্ষণ প্ৰদান কৰা হ’ব। অষ্টম শ্ৰেণী উত্তীৰ্ণ, ১৮ বছৰৰ পৰা ৩৫ বছৰৰ ভিতৰৰ যুৱক-যুৱতীসকলে নিজ বিধানসভা সমষ্টি উল্লেখ কৰি এই আবেদন পত্ৰ কৰিব লাগিব। প্ৰশিক্ষণৰ অন্তত উপযুক্ত প্ৰশিক্ষাৰ্থীক ৩৩৭৫ টকাৰ এককালীন জলপানি প্ৰদান কৰাৰ উপৰি পৰ্যটনকে ধৰি বিভিন্ন ক্ষেত্ৰত নিয়োজিত হ’ব পৰাকৈ প্ৰমানপত্ৰ প্ৰদান কৰা হ’ব। বাচনিৰ ক্ষেত্ৰত দৰিদ্ৰ সীমাৰেখাৰ তলৰ তথা আৰ্থিক অনগ্ৰসৰ যুৱক-যুৱতীক প্ৰাধান্য দিয়া হ’ব। ৰাজ্যখনত বছৰি ১২৬ টা বিধানসভা সমষ্টিৰ পৰা ৫০ জনকৈ, মুঠ ৬৩০০ জন প্ৰশিক্ষণপ্ৰাপ্ত, দক্ষ চালক সৃষ্টি কৰি আত্মসংস্থাপন প্ৰদানৰ লগতে পথ দুৰ্ঘটনা হ্ৰাস আৰু পৰ্যটকে ফুৰা-চকাৰ ক্ষেত্ৰত সুচল কৰি তুলিবলৈ মূলতঃ চৰকাৰে এই আঁচনি পৰিকল্পনা কৰিছে। অক্টোবৰ পহিলা সপ্তাহৰ শেষাৰ্দ্ধত এই বিষয়ে বিজ্ঞাপণ দিয়া হ’ব। তদুপৰি https://asdm.assam.gov.in ত ইয়াৰ সবিশেষ উপলদ্ধ হ’ব।

Continue Reading
Click to comment

Leave a Reply

Your email address will not be published.

বিশ্ব

টুইটাৰৰ নতুন মুখ্য কাৰ্যবাহী বিষয়া পৰাগ আগৰৱাল

পৰাগ আগৰৱাল

গুৱাহাটী,৩০ নবেম্বৰঃ মাইক্ৰ’ব্লগিং ছাইট টুইটাৰৰ সহ-প্ৰতিষ্ঠাপক জেক ডাৰ্চিয়ে কোম্পানীটোৰ মুখ্য কাৰ্যবাহী বিষয়াপদ ত্যাগ কৰাৰ সিদ্ধান্ত লৈছে। তেওঁৰ ঠাইত ভাৰতীয় বংশোদ্ভূত পৰাগ আগৰৱালক নিযুক্তি প্ৰদান কৰা হৈছে। এতিয়াৰে পৰা টুইটাৰৰ মুখ্য কাৰ্যবাহী বিষয়া হ’ব ভাৰতীয় মূলৰ পৰাগ আগৰৱাল। ইয়াৰ পিছতে বিভিন্নজনে পৰাগক শুভেচ্ছা জ্ঞাপন কৰিছে।

আনহাতে টুইটাৰৰ মুখ্য কাৰ্যবাহী বিষয়াৰ পদ ত্যাগ কৰা জেক ডাৰ্চিয়েও পৰাগক এই দায়িত্ব দিয়াৰ বাবে সন্তুষ্টি প্ৰকাশ কৰাৰ লগতে প্ৰশংসা কৰিছে। জেক ডাৰ্চিয়ে কৈছে যে টুইটাৰৰ মুখ্য কাৰ্যবাহী বিষয়া হিচাপে পৰাগৰ ওপৰত তেওঁৰ গভীৰ বিশ্বাস আছে। যোৱা ১০ বছৰত তেওঁৰ কাম অত্যন্ত দৰ্শনীয় আছিল। ডৰ্চিয়ে লগতে কৈছে যে তেওঁ পৰাগৰ হৃদয়, ব্যক্তিত্ব আৰু দক্ষতাৰ বিষয়ে নিশ্চিত আৰু অতি কৃতজ্ঞ।

এতিয়া তেওঁৰ নেতৃত্ব দিয়াৰ সময়। উল্লেখ্য যে পৰাগ আগৰৱাল টুইটাৰৰ মুখ্য প্ৰযুক্তি বিষয়া (চি টি অ’) হিচাপে কৰ্মৰত আছিল। তেওঁ টুইটাৰৰ মুখ্য কাৰিকৰী বিষয়া আৰু সম্পূৰ্ণ কাৰিকৰী দায়িত্বত আছিল। ডাৰ্চিৰ মতে পৰাগ আগৰৱালে টুইটাৰত এজন অভিযন্তা হিচাপে কৰ্মজীৱন আৰম্ভ কৰিছিল। এতিয়া তেওঁ চি ই অ’ৰ দায়িত্ব ল’ব। কম্পিউটাৰ বিজ্ঞানত ডক্টৰেট লাভ কৰা পৰাগ আগৰৱালে আই আই টি বোম্বাইৰ পৰা অভিযান্ত্ৰিক ডিগ্ৰী গ্ৰহণ কৰিছে। তাৰ পিছত তেওঁ আমেৰিকা যুক্তৰাষ্ট্ৰৰ কেলিফৰ্ণিয়াৰ ষ্টেনফৰ্ড বিশ্ববিদ্যালয়ৰ পৰা কম্পিউটাৰ বিজ্ঞানত পি এইচ ডি কৰিছে।

আগৰৱালে ২০১১ চনত টুইটাৰত যোগদান কৰিছিল। তেতিয়াৰ পৰা তেওঁ টুইটাৰত কাম কৰি আছে। তেওঁক ২০১৭ চনত কোম্পানীৰ চি টি অ’ হিচাপে দায়িত্ব দিয়া হৈছিল। যিসময়ত পৰাগে টুইটাৰত যোগদান কৰিছিল সেই সময়ত কৰ্মচাৰীৰ সংখ্যা ১০০০ তকৈ কম আছিল। পৰাগে টুইটাৰত যোগদান কৰাৰ আগতে মাইক্ৰছফ্ট আৰু য়াহুতো সেৱা আগবঢ়াইছে।

Continue Reading

Uncategorized

অন্ধ্ৰপ্ৰদেশত বানৰ তাণ্ডৱ : ১৭ জন লোকৰ মৃত্যু

অন্ধ্ৰপ্ৰদেশ

গুৱাহাটী,২০ নবেম্বৰঃ অন্ধ্ৰপ্ৰদেশত শুকুৰবাৰে ৰায়লসীমাৰ তিনিখন জিলাত ধাৰাসাৰ বৃষ্টিপাত হোৱাৰ পাছতে এতিয়া এই অঞ্চল কেইটাত বানে চলাইছে তাণ্ডৱ।

এই বানত বৰ্তমানলৈ ১৭জনকৈ লোকৰ মৃত্যু হোৱা বুলি জানিব পৰা গৈছে। ইফালে বানত প্ৰায় ১০০ জন লোক নিৰুদ্দেশ হৈ আছে।

আনহাতে তিৰুপতি হিলছৰ পথত আৱদ্ধ হৈ পৰিছে বহু সংখ্যক যাত্ৰী। এই ধাৰাসাৰ বৃষ্টিপাতৰ ফলত স্বৰ্ণমুখী নদীৰ জলপৃষ্ঠ বৃদ্ধি পোৱাৰ পাছতে এই বানৰ সৃষ্টি হয়। বায়ুসেনা, এছ ডি আৰ এফ আৰু অগ্নিনিৰ্বাপক বাহিনীৰ লোকে বৰ্তমান অব্যাহত ৰাখিছে উদ্ধাৰ অভিযান। শনিবাৰে বান প্ৰভাৱাম্বিত এলেকাসমূহ আকাশমাৰ্গেৰে পৰ্যবেক্ষণ কৰিছে মুখ্যমন্ত্ৰী ৱাই এছ জগনমোহন ৰেড্ডীয়ে।

Continue Reading

বিশ্ব

আমেৰিকাক অতিক্ৰমি শীৰ্ষস্থানত চীন

শীৰ্ষস্থানত চীন

গুৱাহাটী,১৭ নবেম্বৰঃ মহাশক্তিশালী আমেৰিকাক পিছ পেলাই পৃথিৱীৰ সকলোতকৈ সম্পদশালী ধনাঢ়্য দেশ হিচাপে পৰিগণিত হৈছে এছিয়াৰ ছুপাৰ পাৱাৰ চীন। মাত্র দুটা দশকৰ ভিতৰত আমেৰিকাক অতিক্রম কৰি শীর্ষত অৱস্থান কৰিছে ভাৰতৰ চুবুৰীয়া ৰাষ্ট্রখনে।

ৱর্ল্ড ট্রেড অর্গেনাইজেচনৰ এক সমীক্ষা মতে ২০০০ চনত কেৱল ৭ ত্রিলিয়ন ডলাৰৰ সম্পদ থকা চীনে ২০২১ত ১২০ ত্রিলিয়ন ডলাৰলৈ বৃদ্ধি কৰিবলৈ সক্ষম হৈছে৷ সমীক্ষাটোৰ মতে ২০০০ চনত বিশ্বৰ মুঠ সম্পদৰ পৰিমাণ আছিল ১৫৬ ত্রিলিয়ন আৰু এতিয়া এই পৰিমাণ ত্রিগুণতকৈ বেছি বৃদ্ধি হৈ ৫১৪ ত্রিলিয়ন ডলাৰ হৈছেগৈ।

আমেৰিকাৰ মুঠ সম্পদৰ পৰিমাণ এই সময়ছোৱাত দ্বিগুণ বৃদ্ধি হৈছে যদিও চীনতকৈ বহু পিছপৰি ৰৈছে। আমেৰিকাৰ সম্পদৰ পৰিমাণ হ’ল ৯০ ত্রিলিয়ন৷ প্রকাশ পোৱা তথ্য মতে চীনে যোৱা দুটা দশকত বিশ্বজুৰি ব্যৱসায়িক পৰিসৰ বৃদ্ধি কৰাৰ ফলতেই প্রভুত সম্পদৰ অধিকাৰী হৈছে আৰু শক্তিশালী আমেৰিকাক স্থানচ্যুত কৰি শীর্ষত অৱস্থান কৰিবলৈ সক্ষম হৈছে৷

Continue Reading

আপডেট খবর

প্ৰতিষ্ঠা দিৱস প্ৰতিষ্ঠা দিৱস
উত্তৰ-পূব10 months ago

নাগালেণ্ডৰ ৫৯ সংখ্যক প্ৰতিষ্ঠা দিৱস উদযাপন

গুৱাহাটী,২ ডিচেম্বৰঃ নাগালেণ্ডৰ ৫৯ সংখ্যক ৰাজ্য প্ৰতিষ্ঠা দিৱস বুধবাৰে বৰ্ণিল কাৰ্যসূচীৰে উদযাপন কৰা হয়। ৰাজধানী ক’হিমাৰ সচিবালয়ৰ প্লাজাৰ খেলপথাৰত অনুষ্ঠিত...

ৰৌণক আলী হাজৰিকা ৰৌণক আলী হাজৰিকা
অসম10 months ago

নিলম্বিত ডি আই জি ৰৌণক আলী হাজৰিকাৰ বিৰুদ্ধে চাৰ্জশ্বিট দাখিল

গুৱাহাটী,২ ডিচেম্বৰঃ নিলম্বিত ডি আই জি ৰৌনক আলী হাজৰিকাৰ বিৰুদ্ধে মুখ্যমন্ত্রীৰ তদাৰকী কোষে দাখিল কৰিলে চাৰ্জশ্বিট। আয়তকৈ অধিক সম্পত্তিৰ অভিযোগত...

পীযুষ হাজৰিকা পীযুষ হাজৰিকা
অসম10 months ago

জলসম্পদ বিভাগৰ সকলো কাম ডিচেম্বৰৰ ভিতৰত আৰম্ভ কৰাৰ নিৰ্দেশ

গুৱাহাটী,২ ডিচেম্বৰ: জলসম্পদ মন্ত্ৰী পীযুষ হাজৰিকাই আজি বিভাগৰ বিষয়া আৰু অভিযন্তাসকলৰ সৈতে এখন বৈঠকত অংশ লৈ বিভাগটোৰ কাম-কাজৰ পৰ্যালোচনা কৰে।...

চান্দা সংস্কৃতি চান্দা সংস্কৃতি
অসম10 months ago

চান্দা সংস্কৃতিৰ বিৰুদ্ধে চৰকাৰে গ্ৰহণ কৰা পদক্ষেপক আদৰণি ‘এৰিডা’ৰ

গুৱাহাটী,২ ডিচেম্বৰঃ বলপূৰ্বকভাৱে ‘চান্দা’ সংগ্ৰহ কৰা তথা ধন দাবী কৰাৰ বিৰুদ্ধে শেহতীয়াকৈ কঠোৰ হৈছে ৰাজ্য চৰকাৰ। অসমত সংগঠনৰ অভাৱ নাই...

মহাবিদ্যালয় মহাবিদ্যালয়
অসম10 months ago

ক’ভিড সংক্ৰমণ : সাত দিনৰ বাবে বন্ধ সন্দিকৈ কন্যা মহাবিদ্যালয়

গুৱাহাটী,২ ডিচেম্বৰঃ সাত দিনৰ বাবে বন্ধ কৰা হ’ল সন্দিকৈ কন্যা মহাবিদ্যালয়। কেৱল বন্ধ কৰাই নহয়, মহাবিদ্যালয়খনক মাইক্ৰ’কণ্টেইনমেণ্ট জ’ন হিচাপে ঘোষণা...

কামৰূপ কামৰূপ
গুৱাহাটী10 months ago

গুৱাহাটীৰ দুৰ্গম স্থানত ৰাজ্যৰ মুখ্য সচিব

গুৱাহাটী,১ ডিচেম্বৰঃ কামৰূপ মহানগৰ জিলাত ভেকচিন নোলোৱাকৈ এজনো লোক যাতে বাদ যাব নোৱাৰে তাৰ বাবে ‘হৰ ঘৰ দস্তক’ৰ দ্বিতীয় পৰ্যায়ৰ...

Trending