Connect with us

গুৱাহাটী

গুৱাহাটীত ৩.৫ কোটি টকাৰ হিৰোইন জব্দ

Heroin

গুৱাহাটী,২০ ছেপ্তেম্বৰঃ ৰাজ্যৰ লগতে গুৱাহাটী মহানগৰীত ড্ৰাগছৰ বিৰুদ্ধে আৰক্ষীৰ অভিযান অব্যাহত আছে। দৈনিক বুজন পৰিমানৰ ড্ৰাগছ জব্দ হোৱাৰ উপৰি আৰক্ষীৰ জালত পৰিছে সৰবৰাহকাৰী। মাজে মাজে সংঘটিত হৈছে এনকাউণ্টাৰৰ ঘটনা। তেনে এটা মাফিয়া বাহিনীৰ সৈতে দেওবাৰে আৰক্ষীৰ সংঘাত হয়। আৰক্ষীক দেখি পলায়ন কৰা দলটোলৈ লক্ষ্য কৰি আৰক্ষীয়ে গুলীচালনা কৰে। হাতীগাঁৱৰ সিজুবাৰীত পুৱাই সংঘটিত এই ঘটনাই মহানগৰীত তীব্র চাঞ্চল্য সৃষ্টি কৰিছে৷ আৰক্ষীৰ অভিযানকাৰী দলটোৱে ড্রাগছ মাফিয়াকেইজনক কৰায়ত্ত কৰিব নোৱাৰিলেও প্রায় ৩.৫ কোটি টকাৰ হেৰোইন জব্দ কৰিবলৈ সক্ষম হয়। গোপন সূত্রৰ পৰা লাভ কৰা তথ্যৰ ভিত্তিত কামৰূপ আৰু মহানগৰ আৰক্ষীৰ এটা দলে হাতীগাঁৱত পুৱাৰে পৰা ড্রাগছ মাফিয়া চক্রটোক ধৰিবলৈ খাপ পিটি আছিল। অসামৰিক পোছাকত থকা আৰক্ষীৰলোকে ড্রাগছ মাফিয়া চক্রটোৰ পৰা ড্রাগছখিনি ক্রয় কৰাৰ কথা আছিল৷ ড্রাগছ মাফিয়া চক্রটোৱে নম্বৰ প্লেটবিহীন এখন বগা ৰঙৰ বিলাসী বাহন লৈ হাতীগাঁৱৰ পৰা সিজুবাৰীত ড্রাগছ দিবলৈ অহাৰ সময়তে অসামৰিক পোছাকত থকা আৰক্ষীৰ দলটোৱে বাহনখন আগুৰি ধৰে। আৰক্ষীৰ দুখন বাহনেৰে গাড়ীখন ৰখাবলৈ চেষ্টা কৰে যদিও মাফিয়া চক্রটোৱে তীব্র বেগেৰে উক্ত স্থানৰ পৰা পলায়নৰ চেষ্টা কৰে। আৰক্ষীৰ দলটোৱে বাহনখনলৈ লক্ষ্য কৰি দুজাঁই গুলী চলায়। আৰক্ষীৰ গুলী লক্ষ্যভ্রষ্ট হোৱাত তীব্র বেগেৰে উক্ত স্থানৰ পৰা ড্রাগছ মাফিয়াকেইটাই বাহনসহ পলায়ন কৰিবলৈ সক্ষম হয়। ড্রাগছ মাফিয়া চক্রটোৱে লৈ অহা বিলাসী বাহনখনত পাঁচজন লোক আছিল। ইয়াৰে এজন আৰক্ষী চোৰাংচোৱা আছিল। আৰক্ষীয়ে বাধা দিয়াৰ সুযোগতে ড্রাগছভর্তি বেগটো লৈ আৰক্ষীৰ চোৰাংচোৱাজনে বাহনখনৰ পৰা জঁপিয়াই দিয়ে। ড্রাগছভর্তি বেগটোত থকা হেৰোইনখিনিৰ বজাৰ মূল্য ৩.৫ কোটি টকা বুলি আৰক্ষীয়ে জানিবলৈ দিছে৷ আৰক্ষীৰ এক শীর্ষ সূত্রই সদৰী কৰা তথ্য অনুসৰি কামৰূপ আৰক্ষীয়ে কিছুদিন পূর্বে বৃহৎ পৰিমাণৰ ড্রাগছসহ কেইবাটাও ড্রাগছ মাফিয়াক গ্রেপ্তাৰ কৰিছিল৷ উক্ত ড্রাগছ মাফিয়াকেইটাৰ স্বীকাৰোক্তিৰ ভিত্তিতেই হাতীগাঁৱত এই অভিযান চলাইছিল৷

গুৱাহাটী

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা হিন্দু লোকক সুৰক্ষা নিশ্চিত কৰাৰ দাবীত প্ৰতিবাদী কাৰ্যসূচী পালন কৰে বিজেপিৰ প্ৰাক্তন বিধায়ক শিলাদিত্য দেৱ আৰু হিন্দুত্ববাদী নেতা সত্যৰঞ্জন বৰাই।

কুতুম্ব সুৰক্ষা মিছনৰ জৰিয়তে প্ৰতিবাদী কাৰ্যসূচী ৰূপায়ণ কৰে। বাংলাদেশৰ উচ্চায়ুক্তৰ জৰিয়তে দেশখনৰ প্ৰধানমন্ত্ৰীলৈ পত্ৰ প্ৰেৰণ কৰে শিলাদিত্য দেৱ আৰু সত্যৰঞ্জন বৰাই। উল্লেখ যে বিগত কেইটামান দিন ধৰি বাংলাদেশত হিন্দু লোকসকল অত্যাচাৰৰ সন্মুখীন হৈ আহিছে। হিন্দু লোকসকলৰ ওপৰত নিৰ্যাতন বন্ধ কৰাৰ লগতে দেশখনত হিন্দু লোকসকলৰ সুৰক্ষা নিশ্চিত কৰিবলৈ দাবী জনাই সোমবাৰে আকাশ বতাহ গৰম কৰি তোলে প্ৰতিবাদকাৰী লোকসকলে। এইক্ষেত্ৰত সত্য ৰঞ্জন বৰাই কয় যে বাংলাদেশত আক্ৰমণৰ সন্মুখীন হোৱা হিন্দু লোকসকলক অসমে গ্ৰহণ কৰাৰ প্ৰশ্ন নুঠে। সেই বুলি বাংলাদেশত হিন্দুসকলক পৰুৱাৰ দৰে মাৰিবলৈও দিয়া নহ’ব বুলি কয় হিন্দুত্ববাদী নেতাগৰাকীয়ে।

Continue Reading

গুৱাহাটী

চি বি আই, আয়কৰ আৰু ইডি বিজেপি চৰকাৰৰ পুতলা

প্ৰদেশ কংগ্ৰেছ

গুৱাহাটী,১৬ অক্টোবৰঃ বিজেপি চৰকাৰে চি বি আই, আয়কৰ বিভাগ আৰু ইডি আদি সংস্থাসমূহক ৰাজনৈতিক প্ৰতিদ্বন্দ্বিৰ বিৰুদ্ধে পুতলাৰ দৰে ব্যৱহাৰ কৰিছে। এই অভিযোগ প্ৰদেশ কংগ্ৰেছৰ প্ৰাক্তন সভাপতি তথা ৰাজ্যসভাৰ সাংসদ ৰিপুন বৰাৰ।

শনিবাৰে গুৱাহাটীৰ ৰাজীৱ ভৱনত আয়োজন কৰা এখন সংবাদমেলত সাংসদগৰাকীয়ে বিজেপি চৰকাৰৰ বিৰুদ্ধে সৰৱ হৈ কেতবোৰ বিস্ফোৰক অভিযোগ উত্থাপন কৰে। তেওঁ কয়-‘ কেন্দ্ৰত বিজেপিৰ ৭ বছৰীয়া কাৰ্যকালত আজিলৈকে বিজেপিৰ এজন নেতাৰ বিৰুদ্ধে চি বি আই, আয়কৰ নাইবা ইডিৰ গোচৰ হোৱা নাই। কিন্তু ইয়াৰ বিপৰীতে বিজেপি চৰকাৰে কংগ্রেছ দলকে ধৰি বিভিন্ন বিৰাধী দলৰ বহু কেইগৰাকী নেতাক চি বি আই, আয়কৰ আৰু ইডি গাচেৰত তেওঁলােকৰ ঘৰত অভিযান চলোৱা, সম্পত্তি বাজেয়াপ্ত কৰাকে ধৰি বিভিন্ন ধৰণৰ গাচেৰ ৰুজু কৰি কেৱল হাৰাশাস্তি কৰাই নহয় বিৰাধীৰ কণ্ঠ ৰাধে কৰিবলৈ বিভিন্ন ধৰণে অপচেষ্টা চলাই আহিছে।’

সংবাদমেল যোগে সাংসদ ৰিপুন বৰাই বিজেপি চৰকাৰৰ চক্ৰান্তৰ বিষয়ে উল্লেখ কৰি কয়-‘ প্রাক্তন কেন্দ্রীয় গৃহ মন্ত্রী তথা জ্যেষ্ঠ কংগ্ৰেছ নেতা পি চিদাম্বৰাম আৰু তেওঁৰ পুত্র কার্তিক চিদাম্বৰামক ২০১৯ চনৰ শেষৰফালে কেইমাহ ধৰি চি হি আই গাচেৰত জেলত আবদ্ধ কৰি ৰাখিছিল। সেইদৰে কর্ণাটকৰ প্ৰাক্তনমন্ত্রী, বর্তমান কর্ণাটক প্রদেশ কংগ্ৰেছৰ সভাপতি ডি কে শ্রীকুমাৰক দীর্ঘদিন ধৰি আয়কৰ গাচেৰ সংক্রান্তত জেলত আৱদ্ধ কৰি ৰাখিছিল।’ নির্বাচনৰ প্ৰাকমুহূর্তত বিভিন্ন বিৰাধী দলৰ নেতাৰ বিৰুদ্ধে বিজেপি চৰকাৰে চক্ৰান্তমূলকভাৱে জাপি দিয়া গোচৰ সন্দৰ্ভত তেওঁ তথ্য সহকাৰে কেতবোৰ দিশ উল্লেখ কৰে।

Continue Reading

গুৱাহাটী

পুনৰ মুখ্যমন্ত্রীৰ জিম্মাত ৰৌণক আলী হাজৰিকা

Raunok Ali Hazarika

গুৱাহাটী,১৩ অক্টোবৰঃ আয়তকৈ অধিক সম্পত্তিৰ গােচৰত মুখ্যমন্ত্ৰীৰ তদাৰকী কোষে গ্ৰেপ্তাৰ কৰা নিলম্বিত উপ-আৰক্ষী মহাপৰিদৰ্শক ৰৌণক আলী হাজৰিকাক আজি গুৱাহাটী চিকিৎসা মহাবিদ্যালয় হাস্পতালৰ পৰা ৰিলিজ দিয়া হয়। আৰক্ষীৰ জিম্মাত থকা ৰৌণক আলী হাজৰিকাক ৬ অক্টোবৰৰ নিশা হৃদৰোগত আক্ৰান্ত হৈ গুৰুতৰভাৱে অসুস্থ হৈ পৰাৰ বাবে প্ৰথমে মহেন্দ্ৰ মোহন চৌধুৰী হাস্পতালত ভৰ্তি কৰোৱা হৈছিল। কিন্তু স্বাস্থ্যৰ গুৰুতৰ অৱস্থাৰ বাবে ৭ অক্টোবৰত গুৱাহাটী চিকিৎসা মহাবিদ্যালয় হাস্পতাললৈ স্থানান্তৰ কৰা হৈছিল।

উল্লেখ যে বিগত চাৰি বছৰত তেওঁৰ দুটাকৈ ছাৰ্জাৰী হৈছিল। জি এম চি এইচত বিগত এসপ্তাহ ধৰি চলা চিকিৎসাৰ পাছত আজি তেওঁক ৰিলিজ দিয়া হয়। বৰ্ত্তমান তেওঁ সুস্থ বুলি চিকিৎসালয় কৰ্তৃপক্ষই জানিবলৈ দিয়ে। হাস্পতালৰ পৰা ৰিলিজ দিয়াৰ লগে লগে মুখ্যমন্ত্রীৰ তদাৰকী কোষে আজি তেওঁক পুনৰ নিজৰ জিম্মালৈ নিয়ে। উল্লেখ যে নিলম্বিত আৰক্ষী বিষয়া ৰৌনক আলী হাজৰিকা পূৰ্বেও দুবাৰ হৃদৰােগত আক্ৰান্ত হোৱা বাবে চিকিৎসাধীন হ’বলগীয়া হৈছিল।

উল্লেখ যে গ্ৰেপ্তাৰ হোৱা নিলম্বিত আৰক্ষী বিষয়া ৰৌণক আলী হাজৰিকাৰ কেইবা ঠাইত বৃহৎ অট্টালিকা,বিলাসী ৰিজৰ্টকে ধৰি বহু সা-সম্পত্তি থকাৰ তথ্য পোহৰলৈ আহিছে। নিলম্বিত জ্যেষ্ঠ আই পি এছ বিষয়া ৰৌণক আলী হাজৰিকাক মুখ্যমন্ত্ৰীৰ তদাৰকী কোষে গ্ৰেপ্তাৰ কৰাৰ পাছতে ন ন তথ্য পোহৰলৈ আহিছে। নিজে কৰা আয়তকৈ অধিক সম্পত্তিৰ অধিকাৰী ৰৌণক আলী হাজৰিকা। আয়তকৈ ১৬৪ শতাংশ অধিক সম্পত্তি ৰৌণক আলী হাজৰিকাৰ। গুৱাহাটীৰ ডাউন টাউনত ঘৰ-মাটি, ধীৰেনপাৰাত থকা এটা প্ৰসাদোতম অট্টালিকাৰ উপৰিও হেঙেৰাবাৰীত ৰৌণক আলী হাজৰিকাৰ আছে ৰাজ অট্টালিকা সদৃশ এটা ঘৰ। তদুপৰি হংকং, ইণ্ডোনেছিয়া,ডুবাই,বাংলাদেশ, মালেয়ছিয়া, বেংকক,থাইলেণ্ড সহ ৯ খন দেশ অনুমতি নোহোৱাকৈ ভ্ৰমণ কৰিছিল ৰৌণক আলী হাজৰিকাই।ৰৌণক আলী হাজৰিকাৰ বাসগৃহত বাংলাদেশ, হংকং, চীন, মালেয়ছিয়া, জাপান, ইণ্ডোনেছিয়াৰ বিদেশী মুদ্ৰা উদ্ধাৰ হৈছিল।

ৰৌণক আলী হাজৰিকাৰ চিমলাত আছে এখন বিলাসী ৰিৰ্জট। কথি ৰিৰ্জট নাম প্ৰায় চাৰিমহলীয়া এই বিলাসী ৰিৰ্জটখনৰ মূল্যও হ’ব কেইবা কোটি টকা। আনহাতে দুটাকৈ সন্তানৰ পঢ়া-শুনাৰ ক্ষেত্ৰতো কোটি টকাৰ লেনদেনৰ তথ্য পোহৰলৈ আনিছে মুখ্যমন্ত্ৰীৰ তদাৰকী কোষে। এতিয়াও বহু তথ্য পোহৰলৈ আহিবলৈ বাকী আছে। বৰ্ত্তমান মুখ্যমন্ত্রীৰ তদৰকী কোষৰ জিম্মাত থকা ৰৌণক আলী হাজৰিকাক অধিক তথ্যৰ বাবে পুনৰ জেৰা চলোৱা হ’ব।

Continue Reading

আপডেট খবর

প্ৰতিবাদ প্ৰতিবাদ
গুৱাহাটী2 days ago

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা...

পেঞ্চন পেঞ্চন
অসম2 days ago

পেঞ্চন বিতৰণৰ ক্ষেত্ৰত সংস্কাৰ অনাৰ বাবে কেতবোৰ সিদ্ধান্ত

গুৱাহাটী,১৮ অক্টোবৰঃ কইনাধৰাত মুখ্যমন্ত্ৰী ড° হিমন্ত বিশ্ব শৰ্মাৰ অধ্যক্ষতাত অনুষ্ঠিত এখন বৈঠকত ৰাজ্য চৰকাৰৰ কৰ্মচাৰীসকলৰ অৱসৰৰ পাছত পেঞ্চন বিতৰণৰ ক্ষেত্ৰত...

কংগ্ৰেছ-বি পি এফ কংগ্ৰেছ-বি পি এফ
অসম2 days ago

কংগ্ৰেছ-বি পি এফৰ কেইবাজনো নেতাৰ বিজেপিত যোগদান

গুৱাহাটী,১৮ অক্টোবৰঃ চাহ জনগোষ্ঠীক প্ৰতিনিধিত্ব কৰা কংগ্ৰেছৰ দুই প্ৰভাৱশালী যুৱ নেতাই দেওবাৰে বিজেপিত যোগদান কৰে। কংগ্রেছৰ প্রাক্তন ৰাজ্যিক সম্পাদক তথা...

আই এছ আই আই এছ আই
অসম2 days ago

ৰাজ্যত আই এছ আই আৰু অল কায়দাৰ ভয়ংকৰ কূটাঘাতৰ আশংকা

গুৱাহাটী,১৮ অক্টোবৰঃ এখন বিশেষ পত্ৰই এতিয়া হাহাকাৰ লগাইছে ৰাজ্যৰ গৃহ বিভাগত। ৰাজ্যত ইছলামিক সন্ত্ৰাসবাদী সংগঠনৰ ভয়ংকৰ কূটাঘাতৰ আশংকা। জনসমাগম হোৱা...

ভয়ংকৰ অগ্নিকাণ্ড ভয়ংকৰ অগ্নিকাণ্ড
ভাৰত2 days ago

গুজৰাটৰ চুৰাটত ভয়ংকৰ অগ্নিকাণ্ড

গুৱাহাটী,১৮ অক্টোবৰঃ গুজৰাটৰ চুৰাটত সোমবাৰে পুৱাই সংঘটিত হ’ল এক বৃহৎ অগ্নিকাণ্ড। অগ্নিকাণ্ডৰ ফলক ২ জন শ্ৰমিকৰ মৃত্যু হোৱাৰ লগতে আহত...

কাতি বিহু কাতি বিহু
অসম2 days ago

ৰাজ্যজুৰি কাতি বিহুৰ ব্যস্ততা

গুৱাহ‍‍াটী,১৮ অক্টোবৰঃ আজি কাতি বিহু। বিহুৰ এই সময়ত ব্যস্ত হৈ পৰিছে প্ৰতিজন অসমীয়া। কৰ’না সৃষ্ট পৰিবেশৰ মাজতে অসমৰ জাতীয় সংস্কৃতি...

Trending