উত্তৰ-পূব
ডিমাপুৰত NSCN(IM)ৰে আলোচনাত বহিল ‘নেডা’ৰ আহ্বায়ক ড° হিমন্ত বিশ্ব শৰ্মা

গুৱাহাটী,২১ ছেপ্তেম্বৰঃ নগা শান্তি আলোচনা প্ৰক্ৰিয়াক আগুৱাই নিয়াৰ উদ্দেশে আজি ডিমাপুৰত উপস্থিত হয় অসমৰ মুখ্যমন্ত্রী তথা ‘নেডা’ৰ আহ্বায়ক হিমন্ত বিশ্ব শৰ্মা। এদিনীয়া ভ্ৰমণসূচীৰে ডিমাপুৰত উপস্থিত হোৱা হিমন্ত বিশ্ব শৰ্মাই আজি এক গুৰুত্বপূৰ্ণ আলোচনাত মিলিত হয়।
শান্তি আলোচনা প্ৰক্ৰিয়াক আগুৱাই নিয়াৰ উদ্দেশ্যে North East Democratic Alliance, চমুকৈ ‘নেডা’ৰ আহ্বায়ক ড° হিমন্ত বিশ্ব শৰ্মাই আজি নগা সশস্ত্ৰ বিদ্ৰোহী সংগঠন NSCN(IM)ৰ প্ৰতিনিধিৰ সৈতে বৈঠকত মিলিত হয়। এই বৈঠকত উপস্থিত থাকে নাগালেণ্ডৰ মুখ্যমন্ত্রী নেফিউ ৰিঅ’। এই গুৰুত্বপূৰ্ণ বৈঠকত কেন্দ্ৰীয় চৰকাৰৰ সৈতে চলি থকা নগা শান্তি আলোচনাৰ প্ৰসংগত আলোচনা কৰা হয়। আনহাতে নেডাৰ আহ্বায়ক হিচাপে হিমন্ত বিশ্ব শৰ্মাই নাগালেণ্ডৰ আগন্তুক নিৰ্বাচন সন্দৰ্ভত নেডাৰ ভূমিকা আৰু ৰাজ্যখনৰ ৰাজনৈতিক প্ৰেক্ষাপট সন্দৰ্ভত মুখ্যমন্ত্রী নেফিউ ৰিঅ’ৰ সৈতে আলোচনা কৰে।
উল্লেখ যে কেন্দ্ৰীয় গৃহমন্ত্ৰী অমিত শ্বাহে বিগত বছৰত দিয়া দায়িত্ব অনুসৰি নতুন দিল্লীত ইতিমধ্যে একাধিকবাৰ NSCN(IM)ৰ সাধাৰণ সম্পাদক থুইংগালেং মুইভাৰ সৈতে আলোচনাত মিলিত হৈছে। আৰ এন ৰবিয়ে ২০১৫ৰ আগষ্টত স্বাক্ষৰিত ফ্ৰেমৱৰ্ক এগ্ৰিমেণ্টক অপব্যাখ্যা কৰা, NSCNৰ গোটসমূহক ‘অপৰাধী গোট’ বুলি আখ্যা দিয়া আৰু নাগালেণ্ড ভাৰতৰ অবিচ্ছেদ্য অংগ হৈ থাকিব বুলি কোৱাত NSCN(IM) ক্ষুব্ধ হৈ পৰিছিল। ভাৰত চৰকাৰৰ মধ্যস্থতাকাৰী পদৰ পৰা আৰ এন ৰবিক আঁতৰাই নতুন মধ্যস্থতাকাৰী নিযুক্তি দিবলৈ বহুবাৰ NSCN(IM)য়ে ভাৰত চৰকাৰক আহ্বান জনাই আহিছে। সম্প্ৰতি আৰ এন ৰবিক নাগালেণ্ডৰ ৰাজ্যপাল পদৰ পৰা আঁতৰাই নি তামিলনাডুৰ দায়িত্ব দিয়া হৈছে। এনে সন্ধিক্ষণতে NSCN(IM)ৰ সৈতে আলোচনাত মিলিত হ’বলৈ ডিমাপুৰত উপস্থিত হৈছে ভাৰত চৰকাৰৰ নতুন প্ৰতিনিধি হিচাপে নিযুক্তি দিয়া ইণ্টেলিজেন্স ব্যুৰ’ৰ অৱসৰপ্ৰাপ্ত বিশেষ সঞ্চালক অক্ষয় কুমাৰ মিশ্ৰ। ইতিমধ্যে ডিমাপুৰত উপস্থিত হোৱা মিশ্ৰই সোমবাৰৰ পৰা NSCN(IM)ৰ সৈতে এলানি বৈঠকত মিলিত হৈছে ৷ ইয়াৰ লগতে NSCN(IM)ক কেতবোৰ বিষয়ত সৈমান কৰাবলৈ কেন্দ্ৰীয় গৃহমন্ত্ৰী অমিত শ্বাহৰ নিৰ্দেশ ক্ৰমে আজি ডিমাপুৰত উপস্থিত হয় আলোচনাত মিলিত হয় NEDAৰ আহ্বায়ক ড° হিমন্ত বিশ্ব শৰ্মা ৷
উত্তৰ-পূব
নাগালেণ্ডৰ ৫৯ সংখ্যক প্ৰতিষ্ঠা দিৱস উদযাপন

গুৱাহাটী,২ ডিচেম্বৰঃ নাগালেণ্ডৰ ৫৯ সংখ্যক ৰাজ্য প্ৰতিষ্ঠা দিৱস বুধবাৰে বৰ্ণিল কাৰ্যসূচীৰে উদযাপন কৰা হয়। ৰাজধানী ক’হিমাৰ সচিবালয়ৰ প্লাজাৰ খেলপথাৰত অনুষ্ঠিত এক জাকজমকীয়া অনুষ্ঠানত মুখ্যমন্ত্ৰী নেইফিউ ৰিঅ’ৱে মুখ্য অতিথি হিচাপে উপস্থিত থাকে । এই উপলক্ষে দিয়া ভাষণত নেইফিউ ৰিঅৱে কয় যে বিৰোধীহীন ইউনাইটেড ডেমক্ৰেটিক এলায়েন্সৰ চৰকাৰে বৰ্তমান নাগালেণ্ড উন্নয়ন আৰু জনসাধাৰণৰ বিকাশৰ বাবে নিৰন্তৰে কাম কৰি আহিছে ।
গতিকে ৰাজ্যবাসীক নাগালেণ্ডৰ শান্তি আৰু বিকাশক আগুৱাই লৈ যাবলৈ একগোট হৈ কাম কৰিবলৈ আহবান জনায়। লগতে নাগৰিকসকলৰ এক সন্মানজনক জীৱন সুবিধা প্ৰদানৰ বাবে আহবান জনায়। ৰিঅ’ৱে কয় যে আমি মানৱ সম্পদ বিকাশৰ বাবে কঠোৰ পৰিশ্ৰম কৰিব লাগিব। তদুপৰি আমি ৰাজ্যৰ বিকাশৰ গতি দ্ৰুত কৰিবৰ বাবে প্ৰশাসনিক আৰু শাসন প্ৰণালীৰ সংশোধন কৰাৰ প্ৰয়োজন ।
উল্লেখ যে ১৯৬৩ চনৰ ১ ডিচেম্বৰত নাগালেণ্ডে ভাৰতৰ যুক্তৰাষ্ট্ৰৰ ১৬ সংখ্যক ৰাজ্য হিচাবে জন্ম লাভ কৰাৰ বুধবাৰে ৫৯ সংখ্যক প্ৰতিষ্ঠা দিৱসত ভৰি দিয়ে। ৰাজ্য প্ৰতিষ্ঠা এই দিবসত মুখ্যমন্ত্ৰী ৰিঅ’ৱে ৰাজ্যবাসীক শুভেচ্ছা জ্ঞাপন কৰে । ৰিঅ’ৱে নাগালেণ্ড ৰাজ্য প্ৰতিষ্ঠাত আত্মবলিদান দিয়া মহান নগা নেতাসকলক শ্ৰদ্ধাৰে সোঁৱৰে ।
উত্তৰ-পূব
অৰুণাচললৈ বলীউডৰ মুন্নাভাই সঞ্জয় দত্ত

গুৱাহাটী,২৯ নবেম্বৰঃ দুদিনৰ বাবে অৰুণাচললৈ বলীউডৰ মুন্নাভাই খ্যাত সঞ্জয় দত্ত। প্ৰকৃতিৰ ভূ-স্বৰ্গ মেচুকাত ৰাজ্য চৰকাৰৰ ৰাজ্যিক অতিথি হিচাপে থাকিব বিশিষ্ট অভিনেতাগৰাকী। পুৱাতে ডিব্ৰুগড়ৰ মোহনবাৰী বিমানবন্দৰত উপস্থিত হয় বলীউদৰ অভিনেতাগৰাকী। তাৰ পাছতেই সেনা বাহিনীৰ হেলিকপ্টাৰেৰে পোনে পোনে অৰুণাচল প্ৰদেশৰ মেচুকালৈ ৰাওনা হয় অৰুণাচল প্ৰদেশৰ ব্ৰেণ্ড এম্বেচাদৰ সঞ্জয় দত্ত।
প্ৰকৃতিৰ ভূ-স্বৰ্গ মেচুকাত ৰাজ্য চৰকাৰৰ ৰাজ্যিক অতিথি হিচাপে তেওঁক আদৰণি জনোৱা হয়। অৰুণাচলৰ মেচুকাতে দুদিন কটাব অভিনেতা গৰাকীয়ে। অৰুণাচলৰ সোণালী জয়ন্তী বৰ্ষৰ আৰম্ভণি উৎসৱত অংশগ্ৰহণ কৰিব বলিউডৰ অভিনেতাগৰাকীয়ে।
উত্তৰ-পূব
মণিপুৰত ইউ এন এল এফৰ তিনি দুৰ্ধষ কেডাৰক গ্ৰেপ্তাৰ, জব্দ বৃহৎ পৰিমাণৰ মাৰণাস্ত্ৰ

গুৱাহাটী,২৯ নবেম্বৰঃ মণিপুৰৰ থৌবাল আৰক্ষীয়ে দেওবাৰে ইষ্ট ইম্ফলত অভিযান চলাই নিষিদ্ধ ঘোষিত বিদ্ৰোহী সংগঠন ইউ এন এল এফৰ তিনি দুৰ্ধষ কেডাৰক গ্ৰেপ্তাৰ কৰে। লগতে বৃহৎ সংখ্যক মাৰণাস্ত্ৰ জব্দ কৰিবলৈ সক্ষম হয়। জানিব পৰা মতে এক গোপন খবৰ ভিত্তিত থৌবাল আৰক্ষী অধীক্ষক যোগেশ চন্দ্ৰ হাউবিজামৰ নেতৃত্বত আৰক্ষীৰ এটা দলে থৌবাল জিলাৰ হেইকাপ অবাঙ লেইকাইত অভিযান চলাই প্ৰফুল্ল সিঙ, লেইটনজাম কুমাৰ সিঙ আৰু ৱাহেন টমপক নামৰ কেডাৰ কেইজনক গ্ৰেপ্তাৰ কৰাৰ লগতে তেওঁলোকৰ পৰা ১৩ টা এ কে ৫৬ ৰাইফল , এটা এ কে ৮১, এটা এ কে ৮৬, দুটা এম ১৬ মেছিন গান আৰু দুশ ৰাউণ্ড সজীৱ গুলী উদ্ধাৰ কৰিবলৈ সক্ষম হয় ।
জানিব পৰা এই বৃহৎ মাৰণাস্ত্ৰখিনি ইউ এন এল এফৰ সদস্যই গোপনে সৰবৰাহ কৰিবলৈ লোৱা তথ্য লাভ কৰা পিছতে আৰক্ষীয়ে অভিযান আৰম্ভ কৰে। প্ৰফুল্ল সিঙৰ আৰক্ষীয়ে জেৰাত এই মাৰণাস্ত্ৰখিনি জব্দ কৰিবলৈ সক্ষম হয়।
-
অসম2 years ago
জলসম্পদ বিভাগৰ সকলো কাম ডিচেম্বৰৰ ভিতৰত আৰম্ভ কৰাৰ নিৰ্দেশ
-
অসম2 years ago
চান্দা সংস্কৃতিৰ বিৰুদ্ধে চৰকাৰে গ্ৰহণ কৰা পদক্ষেপক আদৰণি ‘এৰিডা’ৰ
-
উত্তৰ-পূব2 years ago
নাগালেণ্ডৰ ৫৯ সংখ্যক প্ৰতিষ্ঠা দিৱস উদযাপন
-
অসম2 years ago
নিলম্বিত ডি আই জি ৰৌণক আলী হাজৰিকাৰ বিৰুদ্ধে চাৰ্জশ্বিট দাখিল
-
গুৱাহাটী2 years ago
গুৱাহাটীৰ দুৰ্গম স্থানত ৰাজ্যৰ মুখ্য সচিব
-
অসম2 years ago
ক’ভিড সংক্ৰমণ : সাত দিনৰ বাবে বন্ধ সন্দিকৈ কন্যা মহাবিদ্যালয়
-
ভাৰত2 years ago
কংগ্ৰেছ আৰু তৃণমূল কংগ্ৰেছৰ মাজত মতান্তৰ
-
উত্তৰ-পূব2 years ago
মণিপুৰত ইউ এন এল এফৰ তিনি দুৰ্ধষ কেডাৰক গ্ৰেপ্তাৰ, জব্দ বৃহৎ পৰিমাণৰ মাৰণাস্ত্ৰ