Connect with us

উত্তৰ-পূব

অৰুণাচলৰ ছটা স্থানত যাত্রীবাহী ঘৰুৱা বিমান সংযোগৰ চুক্তি স্বাক্ষৰ

Domestic Air

গুৱাহাটী,২৭ ছেপ্তেম্বৰঃ অৰুণাচল প্ৰদেশৰ সীমান্তৱৰ্তী স্থানত ভাৰতীয় বায়ু সেনাই পুনঃনিৰ্মাণ কৰা এডভাঞ্চ লেণ্ডিং ক্ষেত্ৰ এতিয়া যাত্ৰীৰ সংযোগ বৃদ্ধিৰ বাবে ফিক্সড উইং বিমানৰ দ্বাৰা ব্যৱহাৰ কৰা হ’ব। এই কথা টুইটযোগে সদৰী কৰিছে ৰাজ্যখনৰ মুখ্যমন্ত্ৰী পেমা খাণ্ডুৱে। এই সন্দৰ্ভত হিন্দুস্তান এৰ’নটিক্স লিমিটেডে এলায়েঞ্চ এয়াৰৰ সৈতে এই সম্পৰ্কত এক চুক্তি স্বাক্ষৰ কৰা হৈছে।

অসামৰিক বিমান পৰিবহন মন্ত্ৰালয়ৰ আঞ্চলিক সংযোগ আঁচনি ‘উড়ান’ৰ অধীনত অৰুণাচল প্ৰদেশ পৰিচালনাৰ বাবে মেড ইন ইণ্ডিয়া ডৰ্ণিয়াৰ DO 228 নামৰ ১৬ খন আসনৰ বিমান লীজত দিয়াৰ বাবে চুক্তি স্বাক্ষৰ কৰা হয়। ডিঅ’-২২৮ বিমানখনে মেচুকা, টুটিং, বিজয় নগৰ, জিৰ’, পাছিঘাট আৰু তেজুৰ দৰে সীমান্তৱৰ্তী স্থানৰ যাত্ৰীসকলৰ সৈতে সংযোগ স্থাপন কৰিব। ইফালে ডিৰাং আৰু দাপোৰিজোত জৰীপ কৰি থকা আৰু দুটা এডভাঞ্চ লেণ্ডিং ক্ষেত্ৰ তৃতীয় পৰ্যায়ত সংযোগ কৰা হ’ব। আকাশী পথেৰে কৰা এই সংযোগ অৰুণাচল প্ৰদেশৰ বাবে সংযোগৰ ক্ষেত্ৰত এক ডাঙৰ পদক্ষেপ হৈ পৰিছে। উল্লেখ্য যে এডভাঞ্চ লেণ্ডিং ক্ষেত্ৰ সমূহৰ কিছুমান চীন আৰু ম্যানমাৰৰ সীমাৰ ওচৰত অৱস্থিত। এইসমূহ ১৯৬২ চনত চীনৰ সৈতে হোৱা যুদ্ধৰ পিছৰে পৰা অব্যৱহৃত হৈ আছিল। তেওঁলোকক শেহতীয়াকৈ কেন্দ্ৰীয় প্ৰতিৰক্ষা মন্ত্ৰণালয়ে চীন সীমান্তত ভাৰতৰ প্ৰতিৰক্ষা প্ৰস্তুতি উন্নত কৰিবলৈ পুনৰ নিৰ্মাণ কৰিছিল। আনকি স্থানীয় বাসিন্দাসকলে দাবী কৰিছিল যে অসামৰিক লোকসকলৰ পৰিবহনৰ বাবেও টাৰ্মিনেল নিৰ্মাণ কৰা উচিত ৷

এই চুক্তি স্বাক্ষৰ অনুষ্ঠানত উপস্থিত থাকি খাণ্ডুৱে কয় যে তেওঁৰ আশা আছিল এডভাঞ্চ লেণ্ডিং ক্ষেত্ৰক আগন্তুক সময়ত স্থিৰ উইং যাত্ৰী সেৱাৰ সৈতে সংযুক্ত কৰাৰ ৷ লগতে তেওঁ কয় যে জিৰ’ আৰু টুটিঙত অসামৰিক যাত্ৰী টাৰ্মিনেল ভৱনটো বৰ্তমান নিৰ্মাণৰত হৈ আছে ৷ চলিত বৰ্ষৰ শেষৰফালে হয়তো এই টাৰ্মিনেল ভৱনটোৰ কাম সম্পূৰ্ণ হৈ উঠিব।

আনহাতে মেচুকাতো আন এটা টাৰ্মিনেল নিৰ্মাণ কৰি থকা হৈছে ৷ যাৰ বাবে মুখ্যমন্ত্ৰী পেমা খাণ্ডুৱে হোলোংগী বিমানবন্দৰ সম্পূৰ্ণ নোহোৱালৈকে ডিঅ’-২২৮ বিমানৰ কাৰ্যকৰী আধাৰ হিচাপে ব্যৱহাৰ কৰিবলৈ আহ্বান জনাইছে ৷ এই বিমান সেৱা চুবুৰীয়া অসমৰ উত্তৰ লখিমপুৰ জিলাৰ লীলাবাৰীলৈ সম্প্ৰসাৰিত কৰিব পৰা যাব ৷ যাৰ দ্বাৰা ৰাজ্যৰ ৰাজধানী ইটানগৰলৈ অহা এই দূৰৱৰ্তী স্থানৰ যাত্ৰীসকলে বিমানৰ সুবিধা ল’ব পাৰিব। তদুপৰি হোলোংগী বিমানবন্দৰ সম্পূৰ্ণ নোহোৱালৈকে তেওঁ গুৱাহাটী বা ডিব্ৰুগড়ক ডৰ্ণিয়াৰ বিমানৰ কাৰ্যকৰী আধাৰ হিচাপে কাম কৰিবলৈ পৰামৰ্শ দিয়ে।

Continue Reading
Click to comment

Leave a Reply

Your email address will not be published. Required fields are marked *

উত্তৰ-পূব

নগা শান্তি আলোচনাৰ ক্ষেত্রত অব্যাহত আছে জটিলতা

নগা শান্তি আলোচনা

গুৱাহাটী,১৭ অক্টোবৰঃ চৰকাৰৰ সৈতে শান্তি আলোচনাৰ ক্ষেত্ৰত কঠোৰ স্থিতি গ্ৰহণ কৰি এন এছ চি এনে(আই এম) পৃথক নগা জাতীয় পতাকা আৰু সংবিধানৰ দাবীত অটল হৈ থকাৰ কথা স্পষ্ট কৰি দিছে। প্ৰায় দুবছৰৰ ব্যৱধানৰ পাচত দশক পুৰণি নগা ৰাজনৈতিক সমস্যাৰ সমাধান বিচাৰি পুনৰ আলোচনা আৰম্ভ কৰা এন এছ চি এনে (আই এম) এক বিবৃতিত কয় যে নগা জনসাধাৰণৰ ঐতিহাসিক আৰু ৰাজনৈতিক অধিকাৰ উলংঘা কৰা এই সমস্যা ভাৰতৰ বিদ্বেষপূৰ্ণ আনন্দত নিহিত হৈ আছে ৷

ইফালে শুকুৰবাৰে নতুন দিল্লীত এন এছ চি এন (আই এম)ৰ বিৰোধী সাতটা সংগঠনৰ সন্মিলিত মৰ্চা এন এন পি জিৰ কাৰ্যবাহী কমিটিৰ সদস্যসকলৰ সৈতে নগা আলোচনাৰ বাবে ভাৰত চৰকাৰৰ প্ৰতিনিধি এ কে মিশ্ৰ এক বৈঠকত মিলিত হৈছিল। দুয়োপক্ষই নিৰ্ধাৰিত লক্ষ্যৰ প্ৰতি দুয়োপক্ষই যথেষ্ট স্থিৰতা আৰু প্ৰতিশ্ৰুতি প্ৰদৰ্শন কৰিছিল আৰু সমগ্ৰ আলোচনা প্ৰক্ৰিয়া যথেষ্ট সৌহাদ্যপূৰ্ণ আছিল। অৱশ্যে এন এছ চি এন (আই এম) নিজৰ পূৰ্বৰ স্থিতিত অটল হৈ আছে।

এন এন পি জি আৰু চৰকাৰৰ মধ্যস্থতাকাৰীৰ মাজত হোৱা আলোচনাৰ প্ৰসংগত এন এছ চি এনে (আই এম) বিবৃত্তি যোগে কয়-‘ যেতিয়া বিষয়টো চম্ভালা অতি কঠিন হৈ পৰে, তেতিয়া নগা ৰাজনৈতিক সমাধান বিচাৰি উলিওৱাৰ নামত ভাৰত চৰকাৰে বিভাজনমূলক নীতি আৰু তোষামোদ কৰিবলৈ আৰম্ভ কৰে। নগা পতাকাক লৈ কোনো ধৰণৰ ব্যৱসায় তথা দৰদাম কেতিয়াও হ’ব নোৱাৰে।’

উল্লেখ্য যে এন এছ চি এনে (আই এম) ২০১৫ চনৰ ৩ আগষ্টত ভাৰত চৰকাৰৰ সৈতে এক ফ্ৰেমৱৰ্ক চুক্তি স্বাক্ষৰ কৰিছিল যদিও এতিয়াও চূড়ান্ত চুক্তিত উপনীত হোৱা নাই ৷ নাগালেণ্ডত সক্ৰিয় উগ্ৰপন্থী গোটসমূহৰ ভিতৰত সৰ্ববৃহৎ এন এছ চি এন-আইএমে ১৯৯৭ চনত চৰকাৰৰ সৈতে শান্তি আলোচনাত যোগদান কৰিছিল। ২০১৯ চনত কেন্দ্ৰৰ মধ্যস্থতাকাৰী ৰবিক নাগালেণ্ডৰ ৰাজ্যপাল হিচাপে নিযুক্তি দিয়াৰ সময়ত নগা সকলৰ প্ৰশ্নৰ সমাধানৰ আশা উজ্জ্বল হৈ উঠিছিল যদিও পাচত ৰবিয়ে এন এছ চি এন-আই এমৰ বিৰুদ্ধে এক ব্যাপক চুক্তি বিলম্বিত কৰাৰ অভিযোগ উত্থাপন কৰাৰ লগতে মুখ্যমন্ত্ৰী নেফিউ ৰিঅ’লৈ এখন পত্ৰ লিখি সংগঠনটোক “সশস্ত্ৰ দল” বুলি অভিহিত কৰাৰ লগে লগে বিষয়টোৱে এক অন্য ৰূপ লয়। চলিত বৰ্ষৰ ছেপ্টেম্বৰত ৰবিক অপসাৰণ কৰা হৈছিল আৰু মিশ্ৰক শান্তি আলোচনা আগবঢ়োৱাৰ বাবে কেন্দ্ৰৰ মধ্যস্থতাকাৰী হিচাপে নিযুক্ত কৰা হৈছিল।

Continue Reading

উত্তৰ-পূব

শ্বিলঙৰ পাঞ্জাৱী লেনৰ পৰা শিখ সম্প্ৰদায়ৰ লোকসকলক উচ্ছেদ কৰাৰ প্ৰসংগকলৈ প্ৰতিক্ৰিয়া

পাঞ্জাৱী লেন

গুৱাহাটী,১৩ অক্টোবৰঃ শ্বিলঙৰ পাঞ্জাৱী লেনৰ পৰা শিখ সম্প্ৰদায়ৰ লোকসকলক উচ্ছেদ কৰা হ’ব। মেঘালয় কেবিনেটে এই সন্দৰ্ভত সিদ্ধান্ত লোৱাৰ পাছতে প্ৰতিক্ৰিয়াৰ সৃষ্টি হৈছে। পাঞ্জাৱী লেন সেই স্থানৰ পৰা অন্য স্থানলৈ স্থানান্তৰ কৰাৰ সন্দৰ্ভত পাঞ্জাৱৰ উপ মুখ্যমন্ত্ৰী চৌখচিন্দৰ সিং ৰান্ধাৱাই প্ৰতিক্ৰিয়া ব্যক্ত কৰি কয়-‘ এই বিষয়টোৰ সন্দৰ্ভত তেওঁলোকে কেন্দ্ৰীয় গৃহমন্ত্ৰীৰ সৈতে কথা পাতিব। হাৰিয়ানাতো এই সন্দৰ্ভত প্ৰতিক্ৰিয়াৰ সৃষ্টি হৈছে দলিত শিখ পৰিয়াল সকলক মাওলেন অঞ্চলত দীৰ্ঘদিন ধৰি বাস কৰি আহিছে।’

ইফালে মেঘালয়ৰ মুখ্যমন্ত্ৰী কনৰাড চাংমাই কয় যে উচ্চ পৰ্যায়ৰ এখন কমিটিয়ে নগৰ পৰিক্ৰমা বিভাগক এই পৰামৰ্শ দিছে যে পাঞ্জাৱী লেনৰ পৰা অন্য এক উপযুক্ত স্থানলৈ শিখ সকলক স্থানান্তৰিত কৰিব লাগে আৰু এই সন্দৰ্ভত কেবিনেটে অনুমোদন জনাইছে। পাঞ্জাৱী লেনত তেনেকুৱা ৫০ৰো অধিক শিখ পৰিয়াল বাস কৰি আহিছে। তেওঁলোকৰ দাবী যে ১৮৬৩ চনৰ পৰাই তেওঁলোকে এই স্থানত বাস কৰি আছে আৰু তেওঁলোক তাৰ পৰা উচ্ছেদ কৰাটো কোনো কাৰনতে নীতিগত হ’ব নোৱাৰে।

Continue Reading

উত্তৰ-পূব

মণিপুৰত সেনাৰে হোৱা সংঘৰ্ষত চাৰি কুকি বিদ্ৰোহী নিহত

কুকি বিদ্ৰোহী

গুৱাহাটী,১১ অক্টোবৰঃ মণিপুৰৰ ইণ্ডো ম্যানমাৰ সীমান্তত সেনাৰে হোৱা সংঘৰ্ষত কুকি বিদ্ৰোহী সংগঠন কুকি নেচলচন লিবাৰেচন আৰ্মিৰ ৪ গৰাকী দুৰ্ধষ কেডাৰ নিহত হয়। প্ৰাপ্ত খবৰ অনুসৰি নিৰাপত্তা বাহিনীয়ে মণিপুৰৰ কাংপকি জিলাৰ হিংগজান গাঁৱৰ সমীপত কুকি বিদ্ৰোহী কে এন এল এ ১২ জনীয়া এটা দলে অঞ্চলটো আশ্ৰয় লৈ থকা বুলি বিশেষ খবৰ লাভ কৰাৰ পিছতে শনিবাৰে আছাম ৰাইফলছ আৰু সেনাই বিদ্ৰোহীৰ বিৰুদ্ধে বৃহৎ যৌথ অভিযান আৰম্ভ কৰে। ঘন অৰণ্যত ওৰে নিশা চলা অভিযানৰ পিছত দেওবাৰে পুৱা নিৰাপত্তা বাহিনীৰ সৈতে কুকি বিদ্ৰোহীৰ ভয়ংকৰ সংৰ্ঘত হয়।

কেইবাঘণ্টা ধৰি চলা এই সংৰ্ঘষত সেনাৰ গুলীবৰ্ষণত ৪ গৰাকী কে এন এল এফৰ কেডাৰ নিহত হয়। বিদ্ৰোহীৰ সৈতে সেনাৰ তুমুল সংঘৰ্ষ বৰ্তমানেও অব্যাহত আছে বুলি জানিব পৰা গৈছে । সেনাই ঘটনাস্থলিৰ পৰা কেইবাটাও এ কে চিৰিজৰ ৰাইফল উদ্ধাৰ কৰিছে। নিৰাপত্তা বাহিনীয়ে সদৰী কৰামতে এই সংঘৰ্ষত অধিক বিদ্ৰোহী হতাহত হোৱাৰ সম্ভাৱনা আছে । অৱশ্যে এই অভিযানত সেনাৰ কোনো জোৱান হতাহত হোৱা নাই । ইফালে বিদ্ৰোহী সৈতে হোৱা এই সংঘৰ্ষৰ পিছত মণিপুৰৰ আৰক্ষী দল ঘটনাস্থলি উপস্থিত হৈছে ।

Continue Reading

আপডেট খবর

প্ৰতিবাদ প্ৰতিবাদ
গুৱাহাটী2 days ago

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা...

পেঞ্চন পেঞ্চন
অসম2 days ago

পেঞ্চন বিতৰণৰ ক্ষেত্ৰত সংস্কাৰ অনাৰ বাবে কেতবোৰ সিদ্ধান্ত

গুৱাহাটী,১৮ অক্টোবৰঃ কইনাধৰাত মুখ্যমন্ত্ৰী ড° হিমন্ত বিশ্ব শৰ্মাৰ অধ্যক্ষতাত অনুষ্ঠিত এখন বৈঠকত ৰাজ্য চৰকাৰৰ কৰ্মচাৰীসকলৰ অৱসৰৰ পাছত পেঞ্চন বিতৰণৰ ক্ষেত্ৰত...

কংগ্ৰেছ-বি পি এফ কংগ্ৰেছ-বি পি এফ
অসম2 days ago

কংগ্ৰেছ-বি পি এফৰ কেইবাজনো নেতাৰ বিজেপিত যোগদান

গুৱাহাটী,১৮ অক্টোবৰঃ চাহ জনগোষ্ঠীক প্ৰতিনিধিত্ব কৰা কংগ্ৰেছৰ দুই প্ৰভাৱশালী যুৱ নেতাই দেওবাৰে বিজেপিত যোগদান কৰে। কংগ্রেছৰ প্রাক্তন ৰাজ্যিক সম্পাদক তথা...

আই এছ আই আই এছ আই
অসম2 days ago

ৰাজ্যত আই এছ আই আৰু অল কায়দাৰ ভয়ংকৰ কূটাঘাতৰ আশংকা

গুৱাহাটী,১৮ অক্টোবৰঃ এখন বিশেষ পত্ৰই এতিয়া হাহাকাৰ লগাইছে ৰাজ্যৰ গৃহ বিভাগত। ৰাজ্যত ইছলামিক সন্ত্ৰাসবাদী সংগঠনৰ ভয়ংকৰ কূটাঘাতৰ আশংকা। জনসমাগম হোৱা...

ভয়ংকৰ অগ্নিকাণ্ড ভয়ংকৰ অগ্নিকাণ্ড
ভাৰত2 days ago

গুজৰাটৰ চুৰাটত ভয়ংকৰ অগ্নিকাণ্ড

গুৱাহাটী,১৮ অক্টোবৰঃ গুজৰাটৰ চুৰাটত সোমবাৰে পুৱাই সংঘটিত হ’ল এক বৃহৎ অগ্নিকাণ্ড। অগ্নিকাণ্ডৰ ফলক ২ জন শ্ৰমিকৰ মৃত্যু হোৱাৰ লগতে আহত...

কাতি বিহু কাতি বিহু
অসম2 days ago

ৰাজ্যজুৰি কাতি বিহুৰ ব্যস্ততা

গুৱাহ‍‍াটী,১৮ অক্টোবৰঃ আজি কাতি বিহু। বিহুৰ এই সময়ত ব্যস্ত হৈ পৰিছে প্ৰতিজন অসমীয়া। কৰ’না সৃষ্ট পৰিবেশৰ মাজতে অসমৰ জাতীয় সংস্কৃতি...

Trending