Connect with us

অসম

পুনৰ সংস্থাপন অবিহনে উচ্ছেদ বন্ধৰ দাবী পাঁচটা বাঁও-গণতান্ত্রিক দলৰ

Chipajhar

গুৱাহাটী,২৯ ছেপ্তেম্বৰঃ সংস্থাপন অবিহনে উচ্ছেদ বন্ধ কৰাৰ লগতে ছিপাঝাৰৰ ধলপুৰত পুলিছে কৰা নৃশংস অত্যাচাৰ আৰু গুলীচালনাৰ ঘটনাৰ উচ্চ ন্যায়ালয়ৰ কৰ্মৰত ন্যায়াধীশৰ দ্বাৰা তদন্ত কৰাৰ ব্যৱস্থা কৰক। চৰকাৰৰ প্ৰতি এই দাবী পাঁচটাকৈ বাঁও-গণতান্ত্রিক দলৰ। বুধবাৰে দিছপুৰ প্ৰেছ ক্লাৱত আঞ্চলিক গণ মৰ্চা, চি পি আই, চি পি আই(এম), চি পি ‍আই(এম এল) আৰু ৰাষ্ট্ৰীয় জনতা দলৰ নেতৃত্বই যৌথভাৱে এখন সংবাদমেল সম্বোধন কৰি এই দাবী উত্থাপন কৰে।

উল্লেখ যে ২৬ ছেপ্তেম্বত এই পাঁচটা দলৰ এটা প্রতিনিধি দলে ২০ আৰু ২৩ ছেপ্তেম্বৰত দৰং জিলাৰ ছিপাঝাৰৰ ধলপুৰৰ উচ্ছেদিত অঞ্চল ভ্রমণ কৰি ঘটনাৰ বুজ লয়। সেই সন্দৰ্ভত আজি সংবাদমেল সম্বোধন কৰি আঞ্চলিক গণ মৰ্চাৰ সভাপতি তথা ৰাজ্যসভাৰ সাংসদ অজিত কুমাৰ ভূঞাই কয়-‘ আমাৰ প্রতিনিধি দলটো ছিপাঝাৰৰ ম’হবন্ধাৰ পৰা পাৰঘাট হৈ ভৰদুপৰীয়া ধলপুৰ পােৱা সময়ত পুৰুষ, মহিলা, শিশু, বৃদ্ধ-বৃদ্ধাসহ সহস্রাধিক লােক উৎকট গৰমৰ পৰা ৰক্ষা পােৱাৰ বাবে বাঁহতলৰ ছাঁত আশ্রয় লৈ আছিল। উচ্ছেদিত ৰাইজে বাসস্থান আৰু মাটি-বাৰী সর্বস্ব হেৰুৱাই নিৰাপত্তাহীনতা আৰু গভীৰ আশংকাত ভুগিছিল।

২৩ ছেপ্তেম্বৰৰ উচ্ছেদৰ দিনা পৰিস্থিতি ভয়াৱহ হৈ পৰিছিল আৰু মইনুল হক আৰু শ্বেখ ফৰীদক বর্বৰভাবে হত্যা কৰা হৈছিল। ঘটনাত দুজনৰ মৃত্যুৰ লগতে গুৰুত্বভাৱে আহত হৈ ৯ জন লােক চিকিৎসাধীন হৈ আছে।’ তেওঁ লগতে কয়-‘ ২ আৰু ৩ নং ধলপুৰত সম্পূর্ণ উচ্ছেদ আৰু ১ নং ধলপুৰত আংশিক উচ্ছেদ চলােৱা হৈছিল। অঞ্চলটো দুখন গাওঁ পঞ্চায়তৰ সমষ্টি বাজনা পথাৰ আৰু খানােৱা। তাৰে আধা বাম অঞ্চল আৰু আধা অংশ চাপৰি। ভােটাৰ প্রায় ১৭,০০০ আৰু তেওঁলোক স্বীকৃতিপ্রাপ্ত ভাৰতীয় নাগৰিক। উচ্ছেদ চলােৱা অঞ্চলত দুখন অসমীয়া মাধ্যমৰ প্রাথমিক বিদ্যালয় আছে।

অঞ্চলটোৰ থলুৱা মুছলমান সকলৰ প্রায় ৩০০ বিঘা খেতি মাটিত উচ্ছেদ চলােৱা হৈছিল। বিজেপি চৰকাৰে তেওঁলােকক সদায় অবৈধ বেদখলকাৰী আখ্যা দি আহিছে। সােণােৱাল চৰকাৰৰ দিনত অঞ্চলটোত তিনিবাৰ উচ্ছেদ কৰা হৈছিল। ৰাইজে মাটিৰ খাজানা দি আহিছিল যদিও ২০১৪ চনৰ পৰা খাজানা লােৱা বন্ধ কৰি দিয়া হৈছিল।

২০ ছেপ্তেম্বৰৰ উচ্ছেদ সম্পর্কে স্থানীয় ৰাইজে জনোৱা মতে ৰাইজে হাতযােৰ কবি মছজিদ নাভাঙিবলৈ অনুৰোধ কৰিছিল যদিও নামানিলে। উচ্ছেদকাৰীসকলে কোৰাণ দলিয়াই দিয়ে। উচ্ছেদৰ পিচত চৰকাৰে নির্দয় ভূমিকা লৈ আহিছে। উচ্ছেদিত লােকক থকা-খােৱা, চিকিৎসাৰ কোনাে ব্যৱস্থা লােৱা নাই। আনকি চৰকাৰ বা প্রশাসনৰ পক্ষৰ পৰা কোনাে খবৰাে লােৱা নাই।’

ধলপুৰৰ ঘটনা সন্দৰ্ভত তীব্ৰ প্ৰতিক্ৰিয়া প্ৰকাশ কৰি তেওঁ কয়-‘ আমি চৰকাৰক দাবী জনাও যে সংস্থাপন অবিহনে উচ্ছেদ বন্ধ কৰক। লগতে ঘটনাৰ উচ্চ ন্যায়ালয়ৰ কর্মৰত ন্যায়াধীশৰ দ্বাৰা তদন্ত কৰক আৰু নিহতৰ পৰিয়ালক আৰু আহতসকলক উপযুক্ত ক্ষতিপূৰণ দিয়ক। তদুপৰি ততালিকে উচ্ছেদিত লোকসকলক পুনৰ সংস্থাপনৰ ব্যৱস্থা কৰক। আমি দৰং জিলাৰ উপায়ুক্ত আৰু আৰক্ষী অধীক্ষকক ততালিকে নিলম্বন কৰাৰ দাবী জনাইছো।

এই পৰিস্থিতিত আমাৰ আশংকা হৈছে যে বিজেপি চৰকাৰে সাম্প্রদায়িক বিভাজনৰ নীতিৰে অসমক ভাগ ভপ কৰিবলৈ চেষ্টা চলাই গৈছে আৰু ই আমাৰ সাতামপুৰুষীয়া ভাতৃত্ব, ঐক্য, সম্প্রীতি আৰু আমাৰ ঐতিহ্য নিঃশেষ কৰাৰ দিশত আগবাঢ়িছে। এই বিভাজনবাদী নীতিৰ বিৰুদ্ধে ঐক্যবদ্ধ হ’বলৈ আমি সকলাে গণতান্ত্রিক, ধর্মনিৰপেক্ষ দল-সংগঠন আৰু ৰাইজৰ প্রতি আবেদন জনাইছোঁ।’ সংবাদমেলত চিপিআই (এম)ৰ ৰাজ্যিক সম্পাদক দেৱেন ভট্টাচার্য, চিপিআইৰ ৰাজ্যিক সম্পাদক মুনিন মহন্ত, চিপিআই (এম-এল)ৰ নেতা নৰেন বৰা আৰু ৰাষ্ট্রীয় জনতা দলৰ অসম ৰাজ্যিক সভাপতি সােণাৰুল শ্বাহ মুস্তাফা উপস্থিত আছিল।

Continue Reading
Click to comment

Leave a Reply

Your email address will not be published. Required fields are marked *

গুৱাহাটী

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা হিন্দু লোকক সুৰক্ষা নিশ্চিত কৰাৰ দাবীত প্ৰতিবাদী কাৰ্যসূচী পালন কৰে বিজেপিৰ প্ৰাক্তন বিধায়ক শিলাদিত্য দেৱ আৰু হিন্দুত্ববাদী নেতা সত্যৰঞ্জন বৰাই।

কুতুম্ব সুৰক্ষা মিছনৰ জৰিয়তে প্ৰতিবাদী কাৰ্যসূচী ৰূপায়ণ কৰে। বাংলাদেশৰ উচ্চায়ুক্তৰ জৰিয়তে দেশখনৰ প্ৰধানমন্ত্ৰীলৈ পত্ৰ প্ৰেৰণ কৰে শিলাদিত্য দেৱ আৰু সত্যৰঞ্জন বৰাই। উল্লেখ যে বিগত কেইটামান দিন ধৰি বাংলাদেশত হিন্দু লোকসকল অত্যাচাৰৰ সন্মুখীন হৈ আহিছে। হিন্দু লোকসকলৰ ওপৰত নিৰ্যাতন বন্ধ কৰাৰ লগতে দেশখনত হিন্দু লোকসকলৰ সুৰক্ষা নিশ্চিত কৰিবলৈ দাবী জনাই সোমবাৰে আকাশ বতাহ গৰম কৰি তোলে প্ৰতিবাদকাৰী লোকসকলে। এইক্ষেত্ৰত সত্য ৰঞ্জন বৰাই কয় যে বাংলাদেশত আক্ৰমণৰ সন্মুখীন হোৱা হিন্দু লোকসকলক অসমে গ্ৰহণ কৰাৰ প্ৰশ্ন নুঠে। সেই বুলি বাংলাদেশত হিন্দুসকলক পৰুৱাৰ দৰে মাৰিবলৈও দিয়া নহ’ব বুলি কয় হিন্দুত্ববাদী নেতাগৰাকীয়ে।

Continue Reading

অসম

পেঞ্চন বিতৰণৰ ক্ষেত্ৰত সংস্কাৰ অনাৰ বাবে কেতবোৰ সিদ্ধান্ত

পেঞ্চন

গুৱাহাটী,১৮ অক্টোবৰঃ কইনাধৰাত মুখ্যমন্ত্ৰী ড° হিমন্ত বিশ্ব শৰ্মাৰ অধ্যক্ষতাত অনুষ্ঠিত এখন বৈঠকত ৰাজ্য চৰকাৰৰ কৰ্মচাৰীসকলৰ অৱসৰৰ পাছত পেঞ্চন বিতৰণৰ ক্ষেত্ৰত পৰিৱৰ্তনশীল সংস্কাৰ অনাৰ ক্ষেত্ৰত কেতবোৰ সিদ্ধান্ত গ্ৰহণ কৰা হয়। গ্ৰহণ কৰা সিদ্ধান্ত অনুসৰি সকলো পেঞ্চন সম্পৰ্কীয় কাগজ-পাতি ‘কৃতজ্ঞতা’(পেঞ্চন পৰিশোধ আৰু ট্ৰেকিং প্ৰণালী) প’ৰ্টেলযোগে দাখিল কৰিব লাগিব। পেঞ্চন সম্পৰ্কীয় কাগজ-পাতি অনলাইনযোগে দাখিল কৰাৰ ক্ষেত্ৰত শিক্ষা বিভাগৰ লগতে সকলো চৰকাৰী বিভাগৰ বাবে ৰাজ্যজুৰি সকলো জিলাতে সেৱা কেন্দ্ৰ স্থাপন কৰা হ’ব। পেঞ্চন সঞ্চালকে পেঞ্চন সম্পৰ্কীয় বিষয়ৰ বিভিন্ন প্ৰয়োজনীয়তা পূৰণৰ বাবে ডিজিটেল স্বাক্ষৰ ব্যৱহাৰ কৰিব। যিকোনো চৰকাৰী কৰ্মচাৰীৰ দ্বাৰা ৩ লাখ টকালৈকে অতিৰিক্ত ড্ৰ’লৰ বাবে  পেঞ্চন সঞ্চালকক ৰেহাই দিয়াৰ বাবে কৰ্তৃত্ব দিয়া হ’ব। যিকোনো কৰ্মচাৰীৰ অৱসৰ গ্ৰহণৰ এবছৰ আগৰ পৰা পেঞ্চন প্ৰক্ৰিয়া আৰম্ভ কৰিব লাগিব।

এন আই চিয়ে পেঞ্চনৰ দ্ৰুত কাৰ্য ব্যৱস্থাৰ বাবে বিভিন্ন বিভাগৰ সৈতে সহযোগিতা স্থাপনৰ দ্বাৰা ‘কৃতজ্ঞতা’ প’ৰ্টেলৰ সৈতে সামগ্ৰিক কোষাগাৰ ব্যৱস্থাপনা তথ্য প্ৰণালী (CTMIS)ক একত্ৰিত কৰিব। এতিয়াৰ পৰা ৰাজ্য চৰকাৰৰ পেঞ্চনাৰসকলে তেওঁলোকৰ লাইফ চাৰ্টিফিকেট নিজ নিজ বেংক শাখাত ডিজিটেল বায়’মেট্ৰিক সেৱা ‘জীৱন প্ৰমাণ’ৰ দ্বাৰা দাখিল কৰিব পাৰিব। ৰাজ্য চৰকাৰে এই সন্দৰ্ভত প্ৰয়োজনীয় অধিসূচনা জাৰি কৰিব।

ৰাজ্যখনৰ আঠখন চিকিৎসা মহাবিদ্যালয়ক চিকিৎসা পৰিষদ  গঠনৰ ক্ষমতা প্ৰদান কৰা হ’ব।

বৈঠকৰ অংশ হিচাপে মুখ্যমন্ত্ৰীয়ে সংশ্লিষ্ট বিষয়াসকলক ৰাজ্য চৰকাৰৰ কৰ্মচাৰী আৰু পেঞ্চনাৰসকলৰ সহায়ৰ হেতু উৎকৃষ্ট পদ্ধতিৰ পৰিকল্পনা আৰু ৰূপায়ণৰ বাবে নিয়মীয়া আলোচনা অনুষ্ঠিত কৰিবলৈ নিৰ্দেশনা প্ৰদান কৰে।

বৈঠকত মুখ্যমন্ত্ৰীৰ প্ৰধান সচিব সমীৰ কুমাৰ সিনহা, মুখ্য একাউণ্টেণ্ট জেনেৰেল এ জি গুলজাৰী লাল, প্ৰধান শিক্ষা সচিব বি কল্যাণ চক্ৰৱৰ্তী উপস্থিত থাকে।

Continue Reading

অসম

কংগ্ৰেছ-বি পি এফৰ কেইবাজনো নেতাৰ বিজেপিত যোগদান

কংগ্ৰেছ-বি পি এফ

গুৱাহাটী,১৮ অক্টোবৰঃ চাহ জনগোষ্ঠীক প্ৰতিনিধিত্ব কৰা কংগ্ৰেছৰ দুই প্ৰভাৱশালী যুৱ নেতাই দেওবাৰে বিজেপিত যোগদান কৰে। কংগ্রেছৰ প্রাক্তন ৰাজ্যিক সম্পাদক তথা প্রাক্তন মন্ত্রী ৰামেশ্বৰ ধানােৱাৰৰ পুত্ৰ গৌতম ধানােৱাৰ আৰু অসম চাহ মজদুৰ কংগ্ৰেছৰ প্রাক্তন সভাপতি তথা অসম বিধান সভাৰ প্রাক্তন অধ্যক্ষ পৃথিৱী মাঝিৰ পুত্র প্রদীপ মাঝিয়ে আজি আনুষ্ঠানিকভাৱে বিজেপিত যোগদান কৰে। এই উপলক্ষ্যে বিজেপিৰ ৰাজ্যিক মুখ্য কাৰ্যালয়ত এক অনুষ্ঠানৰ আয়োজন কৰা হয়। বিজেপিৰ ৰাজ্যিক সভাপতি ভৱেশ কলিতাই দুয়োজন নেতাক দলত আদৰণী জনায়। আনহাতে আজিৰ অনুষ্ঠানত প্রদেশ কংগ্ৰেছৰ প্রাক্তন সম্পাদক শৈলেন কলিতা, বি টি আৰৰ এম চি এল এ ৰাজীৱ ব্ৰহ্ম আৰু প্রভাত বসুমতাৰী, কংগ্ৰেছ কমী চুমি কলিতা, হিমাংশু শেঠীয়া, অধিবক্তা মিন্টু কলিতা, ছাত্র নেতা হিৰক দাস, সাংস্কৃতিক কর্মী শেখৰ

জ্যোতি বৈশ্যকে ধৰি বিভিন্ন দলৰ বহু কেইজন লােকে বিজেপিত যোগদান কৰে। ‌অনুষ্ঠানত ৰাজ্যিক বিজেপিৰ সাংগঠনিক সাধাৰণ সম্পাদক ফনীন্দ্র নাথ শৰ্মা, সাধাৰণ সম্পাদক পল্লৱলােচন দাস আৰু ৰাজ্যিক উপ

সভাপতি জয়ন্ত কুমাৰ দাসে উপস্থিত আছিল। দলত সকলোকে আদৰণী জনাই ৰাজ্যিক সভাপতি ভৱেশ কলিতাই কয় যে এই যোগদানৰ যোগেদি দলৰ ভেঁটি আৰু অধিক শক্তিশালী হ’ব।

Continue Reading

আপডেট খবর

প্ৰতিবাদ প্ৰতিবাদ
গুৱাহাটী1 day ago

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা...

পেঞ্চন পেঞ্চন
অসম1 day ago

পেঞ্চন বিতৰণৰ ক্ষেত্ৰত সংস্কাৰ অনাৰ বাবে কেতবোৰ সিদ্ধান্ত

গুৱাহাটী,১৮ অক্টোবৰঃ কইনাধৰাত মুখ্যমন্ত্ৰী ড° হিমন্ত বিশ্ব শৰ্মাৰ অধ্যক্ষতাত অনুষ্ঠিত এখন বৈঠকত ৰাজ্য চৰকাৰৰ কৰ্মচাৰীসকলৰ অৱসৰৰ পাছত পেঞ্চন বিতৰণৰ ক্ষেত্ৰত...

কংগ্ৰেছ-বি পি এফ কংগ্ৰেছ-বি পি এফ
অসম1 day ago

কংগ্ৰেছ-বি পি এফৰ কেইবাজনো নেতাৰ বিজেপিত যোগদান

গুৱাহাটী,১৮ অক্টোবৰঃ চাহ জনগোষ্ঠীক প্ৰতিনিধিত্ব কৰা কংগ্ৰেছৰ দুই প্ৰভাৱশালী যুৱ নেতাই দেওবাৰে বিজেপিত যোগদান কৰে। কংগ্রেছৰ প্রাক্তন ৰাজ্যিক সম্পাদক তথা...

আই এছ আই আই এছ আই
অসম1 day ago

ৰাজ্যত আই এছ আই আৰু অল কায়দাৰ ভয়ংকৰ কূটাঘাতৰ আশংকা

গুৱাহাটী,১৮ অক্টোবৰঃ এখন বিশেষ পত্ৰই এতিয়া হাহাকাৰ লগাইছে ৰাজ্যৰ গৃহ বিভাগত। ৰাজ্যত ইছলামিক সন্ত্ৰাসবাদী সংগঠনৰ ভয়ংকৰ কূটাঘাতৰ আশংকা। জনসমাগম হোৱা...

ভয়ংকৰ অগ্নিকাণ্ড ভয়ংকৰ অগ্নিকাণ্ড
ভাৰত1 day ago

গুজৰাটৰ চুৰাটত ভয়ংকৰ অগ্নিকাণ্ড

গুৱাহাটী,১৮ অক্টোবৰঃ গুজৰাটৰ চুৰাটত সোমবাৰে পুৱাই সংঘটিত হ’ল এক বৃহৎ অগ্নিকাণ্ড। অগ্নিকাণ্ডৰ ফলক ২ জন শ্ৰমিকৰ মৃত্যু হোৱাৰ লগতে আহত...

কাতি বিহু কাতি বিহু
অসম1 day ago

ৰাজ্যজুৰি কাতি বিহুৰ ব্যস্ততা

গুৱাহ‍‍াটী,১৮ অক্টোবৰঃ আজি কাতি বিহু। বিহুৰ এই সময়ত ব্যস্ত হৈ পৰিছে প্ৰতিজন অসমীয়া। কৰ’না সৃষ্ট পৰিবেশৰ মাজতে অসমৰ জাতীয় সংস্কৃতি...

Trending