Connect with us

অসম

অৱশেষত গ্ৰেপ্তাৰ হ’ল ৰাজকন্যা বৰুৱা

Princess

গুৱাহাটী,৬ অক্টোবৰঃ দিছপুৰ থানাত হাজিৰ হোৱাৰ বিপৰীতে অসুস্থতাৰ নাটক কৰা ৰাজকন্যা বৰুৱাক অৱশেষত আৰক্ষীয়ে গ্ৰপ্তাৰ কৰিলে। গুৱাহাটী চিকিৎসা মহাবিদ্যালয় হাস্পতালৰ মেডিকেল বৰ্ডে সেউজ সংকেট দিয়াৰ পাছতেই আৰক্ষীয়ে গ্ৰেপ্তাৰ কৰে ৰাজকন্যা বৰুৱাক। পহিলা অক্টোবৰৰ নিশা প্ৰায় ১.৩০ বজাত সুৰামত্ত হৈ গাড়ীৰে আঠজনকৈ শ্ৰমিকক মহতীয়াই নিছিল ৰাজকন্যা বৰুৱাই।

 কিন্তু এই ঘটনাৰ ২৪ ঘণ্টাৰ ভিতৰতে ৰাজকন্যা বৰুৱাই জামিন লাভ কৰিছিল। যিটো ঘটনাই ৰাজ্যজুৰি ব্যাপক প্ৰতিক্ৰিয়াৰ সৃষ্টি কৰিছিল। অভিযোগ উঠিছিল আৰক্ষীৰ বিৰুদ্ধে। ৰাজকন্যা বৰুৱাই জামিন লাভ কৰা সন্দৰ্ভত সন্দেহৰ আৱৰ্তলৈ অহা দিশপুৰ আৰক্ষীৰ দুই বিষয়া আভাৰাণী গগৈ আৰু ছাহিৰ আলীক ইতিমধ্যে ৰিজাৰ্ভ ক্ল’জ কৰা হৈছিল। নতুনকৈ সমগ্ৰ ঘটনাৰ তদন্তৰ দায়িত্ব দিয়া হৈছিল উপ-পৰিদৰ্শক যোগানন্দ বড়োক।

ইফালে ঘটনা সন্দৰ্ভত মুখ্যমন্ত্ৰী ড৹ হিমন্ত বিশ্ব শৰ্মায়ো প্ৰতিক্ৰিয়া প্ৰকাশ কৰি এটা কথা স্পষ্ট কৰি দিছিল যে ৰাজকন্যা বৰুৱাক জামিনৰ সুবিধা কৰি দিয়াৰ ক্ষেত্ৰত কৰ্তব্যত গাফিলতি কৰা মানেই বিপদ। সাৰি যাব নোৱাৰিব ৰাজকন্যা বৰুৱাক সহায় কৰা আৰক্ষী। মুখ্যমন্ত্রীৰ সতৰ্কবানীৰ পাছতেই সমগ্ৰ বিষয়টোৱে নতুন মোৰ লয়। ঘটনা সন্দৰ্ভত মঙলবাৰৰ ভিতৰত দিছপুৰ থানাত হাজিৰ হোৱাৰ নিৰ্দেশ দিয়া হৈছিল সুৰাৰ ৰাগিত মাতাল হৈ শ্ৰমিকক মহতিয়াই নিয়া মহানগৰীৰ মডেল ৰাজকন্যা বৰুৱাক। দিছপুৰ আৰক্ষীয়ে ৰাজকন্যা বৰুৱালৈ চমনো জাৰি কৰিছিল। আনকি আৰক্ষীয়ে ৰাজকন্যা বৰুৱাক ঘৰতো বিচাৰি গৈছিল।

কিন্তু ঘৰত ওলমি আছিল তলা। অসুস্থতাৰ দোহাই দি জি এন আৰ চিত ভৰ্তি হৈছিল ৰাজকন্যা বৰুৱা। আৰক্ষীয়ে হাস্পতাললৈ গৈ থানাত হাজিৰ হোৱাৰ নিৰ্দেশো দিছিল। দিছপুৰ আৰক্ষীৰ জাননীৰ বিপৰীতে ৰাজকন্যা বৰুৱাৰ মাতৃয়ে অসুস্থতাৰ দোহাই দি দুসপ্তাহৰ সময় বিচাৰি থানাত আবেদন কৰিছিল। কিন্তু ৰাজকন্যা বৰুৱাৰ স্বাস্থ্য পৰীক্ষাৰ বাবে আৰক্ষীৰ আহ্বানত জি এম চি এইচে গঠন কৰিছিল মেডিকেল বৰ্ড। মেডিকেল বৰ্ডৰ ছয়জনীয়া সদস্যই আজি গুৱাহাটীৰ জি এন আৰ চিৰ আই চি ইউত ভৰ্তি হৈ থকা ৰাজকন্যা বৰুৱাৰ স্বাস্থ্য পৰীক্ষা কৰি সুস্থতাৰ প্ৰমানপত্র প্ৰদান কৰে। মেডিকেল বৰ্ডৰ প্ৰমাণপত্র লাভ কৰাৰ পাছতেই জি এন আৰ চিত উপস্থিত হয় আৰক্ষীৰ দল।

অসুস্থতাৰ নাটক কৰি চিকিৎসাধীন হৈ থকা ৰাজকন্যা বৰুৱাক চিকিৎসালয়ৰ পৰাই আৰক্ষীয়ে গ্ৰেপ্তাৰ কৰে। অসুস্থ নোহোৱাকৈ ৰাজকন্যা বৰুৱাক চিকিৎস‍লয়ত ভৰ্তি কৰি ৰখাৰ বাবে জি এন আৰ চিৰ চিকিৎসকো গ্ৰেপ্তাৰ হোৱাৰ সম্ভাৱনা আছে। উল্লেখ যে ১ অক্টোবৰৰ নিশা প্ৰায় ১.৩০ বজাত ৰাজকন্যা বৰুৱাই সুৰাসক্ত হৈ দ্ৰুতগতিত গাড়ী চলাই ৰাজপথত কাম কৰি থকা শ্ৰমিকক মহতীয়াই নিছিল। আঠজনকৈ শ্ৰমিকৰ জীৱনলৈ অমানিশা কঢ়িয়াই অনা ৰাজকন্যা বৰুৱাই পিছদিনাই লাভ কৰিছিল জামিন। অৱশেষত গ্ৰেপ্তাৰ হ’ল ৰাজকন্যা বৰুৱা।

Continue Reading
Click to comment

Leave a Reply

Your email address will not be published. Required fields are marked *

গুৱাহাটী

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা হিন্দু লোকক সুৰক্ষা নিশ্চিত কৰাৰ দাবীত প্ৰতিবাদী কাৰ্যসূচী পালন কৰে বিজেপিৰ প্ৰাক্তন বিধায়ক শিলাদিত্য দেৱ আৰু হিন্দুত্ববাদী নেতা সত্যৰঞ্জন বৰাই।

কুতুম্ব সুৰক্ষা মিছনৰ জৰিয়তে প্ৰতিবাদী কাৰ্যসূচী ৰূপায়ণ কৰে। বাংলাদেশৰ উচ্চায়ুক্তৰ জৰিয়তে দেশখনৰ প্ৰধানমন্ত্ৰীলৈ পত্ৰ প্ৰেৰণ কৰে শিলাদিত্য দেৱ আৰু সত্যৰঞ্জন বৰাই। উল্লেখ যে বিগত কেইটামান দিন ধৰি বাংলাদেশত হিন্দু লোকসকল অত্যাচাৰৰ সন্মুখীন হৈ আহিছে। হিন্দু লোকসকলৰ ওপৰত নিৰ্যাতন বন্ধ কৰাৰ লগতে দেশখনত হিন্দু লোকসকলৰ সুৰক্ষা নিশ্চিত কৰিবলৈ দাবী জনাই সোমবাৰে আকাশ বতাহ গৰম কৰি তোলে প্ৰতিবাদকাৰী লোকসকলে। এইক্ষেত্ৰত সত্য ৰঞ্জন বৰাই কয় যে বাংলাদেশত আক্ৰমণৰ সন্মুখীন হোৱা হিন্দু লোকসকলক অসমে গ্ৰহণ কৰাৰ প্ৰশ্ন নুঠে। সেই বুলি বাংলাদেশত হিন্দুসকলক পৰুৱাৰ দৰে মাৰিবলৈও দিয়া নহ’ব বুলি কয় হিন্দুত্ববাদী নেতাগৰাকীয়ে।

Continue Reading

অসম

পেঞ্চন বিতৰণৰ ক্ষেত্ৰত সংস্কাৰ অনাৰ বাবে কেতবোৰ সিদ্ধান্ত

পেঞ্চন

গুৱাহাটী,১৮ অক্টোবৰঃ কইনাধৰাত মুখ্যমন্ত্ৰী ড° হিমন্ত বিশ্ব শৰ্মাৰ অধ্যক্ষতাত অনুষ্ঠিত এখন বৈঠকত ৰাজ্য চৰকাৰৰ কৰ্মচাৰীসকলৰ অৱসৰৰ পাছত পেঞ্চন বিতৰণৰ ক্ষেত্ৰত পৰিৱৰ্তনশীল সংস্কাৰ অনাৰ ক্ষেত্ৰত কেতবোৰ সিদ্ধান্ত গ্ৰহণ কৰা হয়। গ্ৰহণ কৰা সিদ্ধান্ত অনুসৰি সকলো পেঞ্চন সম্পৰ্কীয় কাগজ-পাতি ‘কৃতজ্ঞতা’(পেঞ্চন পৰিশোধ আৰু ট্ৰেকিং প্ৰণালী) প’ৰ্টেলযোগে দাখিল কৰিব লাগিব। পেঞ্চন সম্পৰ্কীয় কাগজ-পাতি অনলাইনযোগে দাখিল কৰাৰ ক্ষেত্ৰত শিক্ষা বিভাগৰ লগতে সকলো চৰকাৰী বিভাগৰ বাবে ৰাজ্যজুৰি সকলো জিলাতে সেৱা কেন্দ্ৰ স্থাপন কৰা হ’ব। পেঞ্চন সঞ্চালকে পেঞ্চন সম্পৰ্কীয় বিষয়ৰ বিভিন্ন প্ৰয়োজনীয়তা পূৰণৰ বাবে ডিজিটেল স্বাক্ষৰ ব্যৱহাৰ কৰিব। যিকোনো চৰকাৰী কৰ্মচাৰীৰ দ্বাৰা ৩ লাখ টকালৈকে অতিৰিক্ত ড্ৰ’লৰ বাবে  পেঞ্চন সঞ্চালকক ৰেহাই দিয়াৰ বাবে কৰ্তৃত্ব দিয়া হ’ব। যিকোনো কৰ্মচাৰীৰ অৱসৰ গ্ৰহণৰ এবছৰ আগৰ পৰা পেঞ্চন প্ৰক্ৰিয়া আৰম্ভ কৰিব লাগিব।

এন আই চিয়ে পেঞ্চনৰ দ্ৰুত কাৰ্য ব্যৱস্থাৰ বাবে বিভিন্ন বিভাগৰ সৈতে সহযোগিতা স্থাপনৰ দ্বাৰা ‘কৃতজ্ঞতা’ প’ৰ্টেলৰ সৈতে সামগ্ৰিক কোষাগাৰ ব্যৱস্থাপনা তথ্য প্ৰণালী (CTMIS)ক একত্ৰিত কৰিব। এতিয়াৰ পৰা ৰাজ্য চৰকাৰৰ পেঞ্চনাৰসকলে তেওঁলোকৰ লাইফ চাৰ্টিফিকেট নিজ নিজ বেংক শাখাত ডিজিটেল বায়’মেট্ৰিক সেৱা ‘জীৱন প্ৰমাণ’ৰ দ্বাৰা দাখিল কৰিব পাৰিব। ৰাজ্য চৰকাৰে এই সন্দৰ্ভত প্ৰয়োজনীয় অধিসূচনা জাৰি কৰিব।

ৰাজ্যখনৰ আঠখন চিকিৎসা মহাবিদ্যালয়ক চিকিৎসা পৰিষদ  গঠনৰ ক্ষমতা প্ৰদান কৰা হ’ব।

বৈঠকৰ অংশ হিচাপে মুখ্যমন্ত্ৰীয়ে সংশ্লিষ্ট বিষয়াসকলক ৰাজ্য চৰকাৰৰ কৰ্মচাৰী আৰু পেঞ্চনাৰসকলৰ সহায়ৰ হেতু উৎকৃষ্ট পদ্ধতিৰ পৰিকল্পনা আৰু ৰূপায়ণৰ বাবে নিয়মীয়া আলোচনা অনুষ্ঠিত কৰিবলৈ নিৰ্দেশনা প্ৰদান কৰে।

বৈঠকত মুখ্যমন্ত্ৰীৰ প্ৰধান সচিব সমীৰ কুমাৰ সিনহা, মুখ্য একাউণ্টেণ্ট জেনেৰেল এ জি গুলজাৰী লাল, প্ৰধান শিক্ষা সচিব বি কল্যাণ চক্ৰৱৰ্তী উপস্থিত থাকে।

Continue Reading

অসম

কংগ্ৰেছ-বি পি এফৰ কেইবাজনো নেতাৰ বিজেপিত যোগদান

কংগ্ৰেছ-বি পি এফ

গুৱাহাটী,১৮ অক্টোবৰঃ চাহ জনগোষ্ঠীক প্ৰতিনিধিত্ব কৰা কংগ্ৰেছৰ দুই প্ৰভাৱশালী যুৱ নেতাই দেওবাৰে বিজেপিত যোগদান কৰে। কংগ্রেছৰ প্রাক্তন ৰাজ্যিক সম্পাদক তথা প্রাক্তন মন্ত্রী ৰামেশ্বৰ ধানােৱাৰৰ পুত্ৰ গৌতম ধানােৱাৰ আৰু অসম চাহ মজদুৰ কংগ্ৰেছৰ প্রাক্তন সভাপতি তথা অসম বিধান সভাৰ প্রাক্তন অধ্যক্ষ পৃথিৱী মাঝিৰ পুত্র প্রদীপ মাঝিয়ে আজি আনুষ্ঠানিকভাৱে বিজেপিত যোগদান কৰে। এই উপলক্ষ্যে বিজেপিৰ ৰাজ্যিক মুখ্য কাৰ্যালয়ত এক অনুষ্ঠানৰ আয়োজন কৰা হয়। বিজেপিৰ ৰাজ্যিক সভাপতি ভৱেশ কলিতাই দুয়োজন নেতাক দলত আদৰণী জনায়। আনহাতে আজিৰ অনুষ্ঠানত প্রদেশ কংগ্ৰেছৰ প্রাক্তন সম্পাদক শৈলেন কলিতা, বি টি আৰৰ এম চি এল এ ৰাজীৱ ব্ৰহ্ম আৰু প্রভাত বসুমতাৰী, কংগ্ৰেছ কমী চুমি কলিতা, হিমাংশু শেঠীয়া, অধিবক্তা মিন্টু কলিতা, ছাত্র নেতা হিৰক দাস, সাংস্কৃতিক কর্মী শেখৰ

জ্যোতি বৈশ্যকে ধৰি বিভিন্ন দলৰ বহু কেইজন লােকে বিজেপিত যোগদান কৰে। ‌অনুষ্ঠানত ৰাজ্যিক বিজেপিৰ সাংগঠনিক সাধাৰণ সম্পাদক ফনীন্দ্র নাথ শৰ্মা, সাধাৰণ সম্পাদক পল্লৱলােচন দাস আৰু ৰাজ্যিক উপ

সভাপতি জয়ন্ত কুমাৰ দাসে উপস্থিত আছিল। দলত সকলোকে আদৰণী জনাই ৰাজ্যিক সভাপতি ভৱেশ কলিতাই কয় যে এই যোগদানৰ যোগেদি দলৰ ভেঁটি আৰু অধিক শক্তিশালী হ’ব।

Continue Reading

আপডেট খবর

প্ৰতিবাদ প্ৰতিবাদ
গুৱাহাটী1 day ago

বাংলাদেশৰ হিন্দুসকলক সুৰক্ষা দিয়াৰ দাবীত গুৱাহাটীত প্ৰতিবাদ

গুৱাহাটী,১৮ অক্টোবৰঃ গুৱাহাটীস্থিত বাংলাদেশৰ সহকাৰী উচ্চায়ুক্তৰ কাৰ্যালয়ৰ সন্মুখত সোমবাৰে তীব্ৰ প্ৰতিবাদী কাৰ্যসূচী পালন কৰা পৰিলক্ষিত হয়। চুবুৰীয়া দেশ বাংলাদেশত থকা...

পেঞ্চন পেঞ্চন
অসম1 day ago

পেঞ্চন বিতৰণৰ ক্ষেত্ৰত সংস্কাৰ অনাৰ বাবে কেতবোৰ সিদ্ধান্ত

গুৱাহাটী,১৮ অক্টোবৰঃ কইনাধৰাত মুখ্যমন্ত্ৰী ড° হিমন্ত বিশ্ব শৰ্মাৰ অধ্যক্ষতাত অনুষ্ঠিত এখন বৈঠকত ৰাজ্য চৰকাৰৰ কৰ্মচাৰীসকলৰ অৱসৰৰ পাছত পেঞ্চন বিতৰণৰ ক্ষেত্ৰত...

কংগ্ৰেছ-বি পি এফ কংগ্ৰেছ-বি পি এফ
অসম1 day ago

কংগ্ৰেছ-বি পি এফৰ কেইবাজনো নেতাৰ বিজেপিত যোগদান

গুৱাহাটী,১৮ অক্টোবৰঃ চাহ জনগোষ্ঠীক প্ৰতিনিধিত্ব কৰা কংগ্ৰেছৰ দুই প্ৰভাৱশালী যুৱ নেতাই দেওবাৰে বিজেপিত যোগদান কৰে। কংগ্রেছৰ প্রাক্তন ৰাজ্যিক সম্পাদক তথা...

আই এছ আই আই এছ আই
অসম1 day ago

ৰাজ্যত আই এছ আই আৰু অল কায়দাৰ ভয়ংকৰ কূটাঘাতৰ আশংকা

গুৱাহাটী,১৮ অক্টোবৰঃ এখন বিশেষ পত্ৰই এতিয়া হাহাকাৰ লগাইছে ৰাজ্যৰ গৃহ বিভাগত। ৰাজ্যত ইছলামিক সন্ত্ৰাসবাদী সংগঠনৰ ভয়ংকৰ কূটাঘাতৰ আশংকা। জনসমাগম হোৱা...

ভয়ংকৰ অগ্নিকাণ্ড ভয়ংকৰ অগ্নিকাণ্ড
ভাৰত1 day ago

গুজৰাটৰ চুৰাটত ভয়ংকৰ অগ্নিকাণ্ড

গুৱাহাটী,১৮ অক্টোবৰঃ গুজৰাটৰ চুৰাটত সোমবাৰে পুৱাই সংঘটিত হ’ল এক বৃহৎ অগ্নিকাণ্ড। অগ্নিকাণ্ডৰ ফলক ২ জন শ্ৰমিকৰ মৃত্যু হোৱাৰ লগতে আহত...

কাতি বিহু কাতি বিহু
অসম1 day ago

ৰাজ্যজুৰি কাতি বিহুৰ ব্যস্ততা

গুৱাহ‍‍াটী,১৮ অক্টোবৰঃ আজি কাতি বিহু। বিহুৰ এই সময়ত ব্যস্ত হৈ পৰিছে প্ৰতিজন অসমীয়া। কৰ’না সৃষ্ট পৰিবেশৰ মাজতে অসমৰ জাতীয় সংস্কৃতি...

Trending