Connect with us

অসম

১৫-৬৫ বছৰ বয়সৰ লোকৰ বাবেও জাপানী এনকেফেলাইটিজৰ প্ৰতিষেধক

প্ৰতিষেধক

গুৱাহাটী,১৩ অক্টোবৰ : ৰাজ্যত এতিয়াৰে পৰা ১৫ বছৰৰ পৰা ৬৫ বছৰ বয়সৰ লোকৰ বাবেও উপলব্ধ হ’ল জাপানীজ এনকেফেলাইটিজ ৰোগৰ প্ৰতিষেধক। স্বাস্থ্যমন্ত্ৰী কেশৱ মহন্তই আজি ১৫-৬৫ বছৰ বয়স সীমাৰ লোকসকলৰ বাবে জাপানীজ এনকেফেলাইটিজ (জে ই) টীকাকৰণৰ ৰাজ্যজোৰা অভিযানৰ আনুষ্ঠানিকভাৱে উদ্বোধন কৰে।

সোণাপুৰৰ জিলা চিকিৎসালয়ত মঙ্গলবাৰে ৰাজ্যৰ স্বাস্থ্য বিভাগৰ দ্বাৰা আয়োজিত এক অনুষ্ঠানত স্বাস্থ্যমন্ত্ৰী গৰাকীয়ে এই জে ই টীকাকৰণ অভিযানৰ শুভাৰম্ভ কৰে। অনুষ্ঠানত কামৰূপ মহানগৰ জিলাৰ উপায়ুক্ত বিশ্বজিৎ পেগু, এন এইচ এমৰ ৰাজ্যিক অভিযান সঞ্চালক ডাঃ এছ লক্ষমনন, ৰাজ্যৰ স্বাস্থ্যসেৱা সঞ্চালক (পৰিয়াল কল্যাণ) মুনীন্দ্ৰনাথ নাটে, স্বাস্থ্য বিভাগৰ উপ সচিব কমলজিৎ তালুকদাৰ আৰু স্বাস্থ্যসেৱা (প্ৰতিষেধক) উপসঞ্চালক ডাঃ লাল সিঙে অংশগ্ৰহণ কৰে।

উল্লেখ্য যে স্বাস্থ্য বিভাগৰ নিয়মীয়া জাপানীজ এনকেফেলাইটিজ প্ৰতিষেধক অভিযানৰ জৰিয়তে এতিয়ালৈকে ১ বছৰৰ পৰা ১৫ বছৰৰ ভিতৰৰ শিশু তথা কিশোৰ-কিশোৰীৰ বাবেহে এই প্ৰতিষেধক উপলব্ধ হৈছিল। ভাৰত চৰকাৰে ইতিপূৰ্বে পৰীক্ষামূলক ভাৱে ১৫ৰ পৰা ৬৫ বছৰ বয়সৰ লোকৰ ক্ষেত্ৰত এই প্ৰতিষেধকৰ সফল প্ৰয়োগ নিশ্চিত কৰাৰ পাছত চলিত বৰ্ষৰ পৰা অসমতো এই বয়স সীমাৰ লোকক জাপানীজ এনকেফেলাইটিজ প্ৰতিষেধক প্ৰদানৰ জোৰদাৰ অভিযান চলাবলৈ অনুমতি প্ৰদান কৰে। প্ৰতি বছৰত জাপানীজ এনকেফেলাইটিজ ৰোগৰ প্ৰাদুৰ্ভাৱ ঘটা মাৰ্চৰ পৰা ছেপ্টেম্বৰৰ সময়ছোৱাত এই প্ৰতিষেধক প্ৰদান কৰা নহয় বাবে স্বাস্থ্য বিভাগে এতিয়া অক্টোবৰৰ পৰা এই টীকাকৰণ অভিযান হাতত লৈছে‌। এই অভিযানৰ জৰিয়তে বিভাগটোৱে সততে জাপানীজ এনকেফেলাইটিজ ৰোগৰ সংক্ৰমণ পৰিলক্ষিত হোৱা ৰাজ্যৰ ৯৯টা উন্নয়ন খণ্ড এলেকাৰ ৪০.১৭ লাখ গৰাকী লোকক জে ই টীকাকৰণৰ লক্ষ্য নিৰ্ধাৰণ কৰিছে।

এই অভিযান উদ্বোধন কৰি স্বাস্থ্যমন্ত্ৰী মহন্তই ইতিপূৰ্বে এই ৰোগৰ প্ৰাদূৰ্ভাৱ ঘটা এলেকসমূহৰ জনসাধাৰণক জে ই টীকা গ্ৰহণেৰে নিজকে জাপানীজ এনকেফেলাইটিজৰ দৰে মাৰাত্মক ৰোগ বিধৰ পৰা সুৰক্ষিত কৰিবলৈ আহ্বান জনায়। তেওঁ কয়-‘ আজি শাৰদীয় দূৰ্গোৎসৱৰ মহাসপ্তমীৰ পৱিত্ৰ উপলক্ষতে ৰাজ্যবাসীক জাপানীজ এনকেফেলাইটিজ ৰোগৰ পৰা সুৰক্ষিত কৰিবলৈ স্বাস্থ্য বিভাগে গুৰুত্বপূৰ্ণ পদক্ষেপ গ্ৰহণ কৰিছে। অসমত আজিলৈকে ২ কোটি লোকক প্ৰথমপালি ক’ভিড প্ৰতিষেধক প্ৰদানত সফলতাৰ লগতে সৰ্বমুঠ প্ৰায় ২.৬৫ কোটি পালি ক’ভিড দিয়া হৈছে।

ৰাজ্যবাসীৰ বিপুল সহযোগিতাত ক’ভিড প্ৰতিষেধক অভিযানে এনে উল্লেখনীয় অগ্ৰগতি লাভ কৰাৰ পাছত এতিয়া ৰাইজৰ অনুৰূপ সহযোগিতাৰেই জাপানীজ এনকেফেলাইটিজৰ টীকাকৰণ অভিযানো সম্পূৰ্ণ সফল কৰি তুলিবলৈ সক্ষম হম বুলি আমি আশা কৰিছো।’ অনুষ্ঠানত স্বাস্থ্যসেৱা সঞ্চালক (পৰিয়াল কল্যাণ) মুনীন্দ্ৰনাথ নাটেই প্ৰকাশ কৰা মতে ইতিমধ্যে ক’ভিড প্ৰতিষেধক গ্ৰহণ কৰা লোকে ২৮ দিনৰ বিৰতিত জে ই প্ৰতিষেধক গ্ৰহণ কৰিব পাৰিব।

অনুৰূপ জে ই প্ৰতিষেধক লোৱা লোকেও ২৮ দিনৰ বিৰতিত ক’ভিডৰ প্ৰতিষেধক ল’ব পাৰিব। ইফালে, আজিৰ অনুষ্ঠানতে স্বাস্থ্যমন্ত্ৰী মহন্তই ৰাজ্যৰ ৯খন জিলাৰ দুৰ্গম, ভিতৰুৱা অঞ্চল আৰু চৰ-চাপৰি এলেকাত ক’ভিড প্ৰতিষেধক প্ৰদানৰ বাবে ‘কেয়াৰ ইণ্ডিয়া’ নামৰ এনজিঅ’ এটাই স্বাস্থ্য বিভাগলৈ আগবঢ়োৱা ৪০খন ‘ক’ভিড টীকা এক্সপ্ৰেছ’ৰ সেৱাও  আনুষ্ঠানিক ভাৱে শুভাৰম্ভ কৰে। কামৰূপ (মহানগৰ), ধুবুৰী, বৰপেটা, গোৱালপাৰা, ডিমা হাচাও, কাৰ্বি আংলং, পশ্চিম কাৰ্বি আংলং, দক্ষিণ শালমৰা আৰু ওদালগুৰি জিলাৰ দুৰ্গম এলেকাত ক’ভিড প্ৰতিষেধক প্ৰদানৰ বাবে কেয়াৰ ইণ্ডিয়াই আগবঢ়োৱা এই ৪০খন টীকা এক্সপ্ৰেছৰ ভিতৰৰে ২৮খন মোবাইল ক’ভিড প্ৰতিষেধক প্ৰদানকাৰী ভান আৰু ১২খন ক’ভিড প্ৰতিষেধক প্ৰদানকাৰী নৌকা। কেয়াৰ ইণ্ডিয়াৰ মুখ্য কাৰ্যবাহী ৰশ্মি মহান্তিয়েও ভাগ লোৱা এই অনুষ্ঠানত স্বাস্থ্যমন্ত্ৰীগৰাকীয়ে পতাকা জোকাৰি মোবাইল ক’ভিড প্ৰতিষেধক ভান কেইখন সংশ্লিষ্ট জিলাসমূহলৈ প্ৰেৰণ কৰে।

অসম

মুখ্যমন্ত্রীৰ বিৰুদ্ধে নিৰ্বাচনী আচৰণ বিধি উলংঘাৰ অভিযোগ কংগ্ৰেছৰ

অভিযোগ কংগ্ৰেছৰ

গুৱাহাটী,২৩ অক্টোবৰঃ মুখ্যমন্ত্রী হিমন্ত বিশ্ব শৰ্মাৰ বিৰুদ্ধে নিৰ্বাচনী আচৰণ বিধি উলংঘা কৰাৰ অভিযোগ উত্থাপন কৰিছে প্ৰদেশ কংগ্ৰেছে। এই সন্দৰ্ভত প্ৰদেশ কংগ্ৰেছৰ এটা সজাতি দলে ৰাজ্যৰ মুখ্য নিৰ্বাচনী বিষয়া নীতিন খাড়েক সাক্ষাৎ কৰি এখন স্মাৰক পত্র প্ৰদান কৰে। প্ৰদেশ কংগ্ৰেছৰ সভাপতি ভূপেন বৰা স্বাক্ষৰিত স্মাৰক পত্রখনৰ যোগেদি নিৰ্বাচনী বিধি উলংঘা কৰাৰ বাবে মুখ্যমন্ত্ৰী ডঃ হিমন্ত বিশ্ব শৰ্মাৰ বিৰুদ্ধে বিহিত ব্যৱস্থা গ্ৰহণ কৰি নিৰ্বাচনী প্ৰচাৰত নিষেধাজ্ঞা আৰোপ কৰাৰ দাবী জনোৱা হয়।

প্ৰদেশ কংগ্ৰেছৰ সাধাৰণ সম্পাদিকা তথা মিডিয়া বিভাগৰ অধ্যক্ষা ববিতা শৰ্মাৰ নেতৃত্বত যোৱা সজাতি দলটোত প্ৰদেশ কংগ্ৰেছৰ জেষ্ঠ মুখপাত্র মনজিৎ মহন্ত, প্ৰাক্তন মেয়ৰ কুশল শৰ্মা, মুখপাত্র ৰূপক দাস, খগেন দাস, ৰাতুল কলিতা আৰু বহ্নি কলিতা, মিডিয়া সচিব মনালিছা হাজৰিকা বৰুৱা আৰু মিডিয়া আহ্বায়ক মুস্তাক গোলাম ওচমানি আছিল।

স্মাৰক পত্রত প্ৰদেশ কংগ্ৰেছৰ সভাপতিয়ে কয় যে মুখ্যমন্ত্ৰীয়ে নিৰ্বাচনী প্ৰচাৰ সভাত ন ন আঁচনি ঘোষণা কৰি অতি নিৰ্লজ্জভাৱে নিৰ্বাচনী বিধি উলংঘা কৰিছে।

Continue Reading

অসম

কাছাৰ জিলাত পুনৰ বৃহৎ পৰিমাণৰ ড্ৰাগছ জব্দ

ড্ৰাগ

গুৱাহাটী,২৩ অক্টোবৰঃ ৰাজ্যত এইবাৰ ড্ৰাগছৰ কেন্দ্ৰস্থল হৈ পৰিছে কাছাৰ জিলা। জিলাখনত পুনৰ কোটি টকাৰ ড্ৰাগছ জব্দ। কাৰ্বি আংলঙৰ পিছত এইবাৰ কাছাৰ জিলাত কোটি কোটি টকাৰ ড্ৰাগছ জব্দ কৰি আছে আৰক্ষীয়ে।

২১ অক্টোবৰত ৩ কোটি ১ লাখ টকাৰ ড্ৰাগছ জব্দ কৰিবলৈ সক্ষম হৈছিল কাছাৰ আৰক্ষী। সেই ঘটনাৰ পিছত যোৱানিশা পুনৰ জিলাখনত ১ কোটি টকাৰ ড্ৰাগছ জব্দ কৰে আৰক্ষীয়ে।

কাছাৰ জিলাৰ সেই একে স্থান জিৰিঘাটতে এইবাৰো জব্দ হয় এক কোটি টকাৰ ড্ৰাগছৰ লগতে নিচা জাতীয় টেবলেট৷ আৰক্ষীৰ অভিযানত জব্দ হয় ২০ হাজাৰ ইয়াভা টেবলেট সহ ১২৭ গ্ৰাম হেৰ’ইন ৷

লগতে আৰক্ষীয়ে আটক কৰে সৰবৰাহকাৰী মহিলা ৷ ধৃত মহিলা গৰাকীৰ নাম নুচৰানা বেগম ৷ ঘৰ কাছাৰ জিলাৰ চিংগিৰবন্দত ৷

গোপন সূত্ৰৰ ভিত্তিত জিৰিঘাট আৰক্ষীয়ে এক অভিযান চলাই ধৃত মহিলা গৰাকীৰ পৰা প্ৰায় এই সামগ্ৰী খিনি জব্দ কৰিবলৈ সক্ষম হয় ৷ যাৰ বজাৰ মূল্য প্ৰায় এক কোটি টকা হব বুলি জানিবলৈ দিয়ে আৰক্ষীয়ে। ধৃত মহিলাগৰাকীক আৰক্ষীয়ে জেৰা অব্যাহত ৰাখিছে।

Continue Reading

অসম

ৰাজ্যজুৰি শাৰদীয় দুর্গোৎসৱৰ সময়ত প্রায় ৩৫০ কোটি টকাৰ সুৰা বিক্ৰী

সুৰা

গুৱাহাটী,২২ অক্টোবৰঃ ক’ভিড পৰিস্থিতিৰ পৰিপ্ৰেক্ষিতত ৰাজ্যখনৰ অৰ্থনৈতিক অৱস্থা এতিয়াও সুস্থিৰ হোৱা নাই। সেইদৰে ৰাজ্যবাসীয়েও ক’ভিড পৰিস্থিতিয়ে জুৰুলা কৰা অৱস্থাৰ পৰা মূৰ দাঙি উঠিব পৰা নাই। ৰাজ্য চৰকাৰৰ এই মুহূৰ্তত ৰাজহ সংগ্ৰহৰ হাৰ সন্তোষজনক নহয়। ক’ভিড পৰিস্থিতি, লকডাউন আদি বিভিন্ন কাৰণত ৰাজহ সংগ্ৰহৰ হাৰ উদ্বেগজনকভাৱে হ্রাস পাইছে। ৰাজহ ঘাটিৰ জোৰা মাৰিবলৈ ৰাজ্য চৰকাৰে ইটোৰ পাছত সিটো প্রতিষ্ঠানৰ পৰা ঋণ ল’বলগীয়া হৈছে। আনকি মুকলি বজাৰৰ পৰাও অধিক সূদত ৰাজ্য চৰকাৰে ঋণ লৈছে।

কিন্তু ইয়াৰ মাজতে এটা সুখবৰ যে ৰাজ্যত আবকাৰী ৰাজহ বাঢ়িছে। ক’ভিড পৰিস্থিতিৰ অৰ্থ সংকট আৰু নিত্য প্ৰয়োজনীয় সামগ্ৰীৰ অভাৱনীয় মূল্যবৃদ্ধিৰ মাজতে পূজাৰ বতৰত এক অভিলেখসংখ্যক আবকাৰী ৰাজহ সংগ্রহ হৈছে। এই ৰাজহ সংগ্ৰহত সুৰাপায়ীসকলে এক ডাঙৰ অৰিহণা যােগাইছে ! কাৰণ মাথো অক্টোবৰৰ প্ৰথম বিশ দিনতে ৰাজ্যত সুৰাৰ পৰা ১০০ কোটিতকৈও অধিক ৰাজহ সংগ্ৰহ কৰিছে ৰাজ্য চৰকাৰে। ৰাজ্যজুৰি শাৰদীয় দুর্গোৎসৱৰ সময়ত প্রায় ৩৫০ কোটি টকাৰ সুৰা বিক্ৰী হৈছে। পূজাৰ পাঁচদিনত ৰাজ্যত ১২০ টকাৰ সুৰা বিক্ৰী হোৱাৰ বিপৰীতে গুৱাহাটীতেই প্রায় ৬০ কোটি টকাৰ সুৰা বিক্ৰী হৈছে। বৰ্ত্তমান পৰিস্থিতিত এই সংখ্যাক নিশ্চয় এক অভিলেখ বুলিয়েই ক’ব পাৰি।

লক্ষণীয় বিষয় যে এইবাৰ পূজাৰ কাপােৰ আদিৰ বজাৰ যথেষ্ট ঠাণ্ডা আছিল। কিন্তু ইয়াৰ পাছতাে সুৰাৰ বজাৰখন গৰম হােৱাটো তাৎপর্যপূর্ণ বুলি বিবেচিত হৈছে। চৰকাৰী সূত্রই জনােৱা মতে পূজাৰ সময়ত ৰাজ্যত বিক্ৰী হােৱা ৩৫০ কোটি টকাৰ সুৰাৰ পৰা প্রায় ১৭৫ কোটি টকাৰ ৰাজহ পােনে পােন ৰাজ্যৰ ৰাজকোষলৈ আহিছে। কিয়নাে সুৰাৰ ওপৰত ৫০ শতাংশতকৈ অধিক বিক্ৰীকৰ, উপকৰ আৰু উৎপাদন শুল্ক বলৱং হৈ আছে। তেনেস্থলত সুৰাৰ যোগেদি চৰকাৰে এক ভাল অংকৰ ৰাজহ লাভ কৰিবলৈ সক্ষম হৈছে।

Continue Reading

আপডেট খবর

অভিযোগ কংগ্ৰেছৰ অভিযোগ কংগ্ৰেছৰ
অসম1 day ago

মুখ্যমন্ত্রীৰ বিৰুদ্ধে নিৰ্বাচনী আচৰণ বিধি উলংঘাৰ অভিযোগ কংগ্ৰেছৰ

গুৱাহাটী,২৩ অক্টোবৰঃ মুখ্যমন্ত্রী হিমন্ত বিশ্ব শৰ্মাৰ বিৰুদ্ধে নিৰ্বাচনী আচৰণ বিধি উলংঘা কৰাৰ অভিযোগ উত্থাপন কৰিছে প্ৰদেশ কংগ্ৰেছে। এই সন্দৰ্ভত প্ৰদেশ...

মাতৃত্ব মাতৃত্ব
ভাৰত1 day ago

৭০ বছৰ বয়সত মাতৃত্ব লাভৰ গৌৰৱ

গুৱাহাটী,২৩ অক্টোবৰঃ দীৰ্ঘদিনীয়া অপেক্ষাৰ অন্তত ৭০ বছৰীয়া এগৰাকী বৃদ্ধাই লাভ কৰিলে মাতৃত্ব লাভৰ গৌৰৱ। এই আশ্বৰ্যকৰ ঘটনাটো ঘটিছে গুজৰাটত। ৭০...

ড্ৰাগ ড্ৰাগ
অসম1 day ago

কাছাৰ জিলাত পুনৰ বৃহৎ পৰিমাণৰ ড্ৰাগছ জব্দ

গুৱাহাটী,২৩ অক্টোবৰঃ ৰাজ্যত এইবাৰ ড্ৰাগছৰ কেন্দ্ৰস্থল হৈ পৰিছে কাছাৰ জিলা। জিলাখনত পুনৰ কোটি টকাৰ ড্ৰাগছ জব্দ। কাৰ্বি আংলঙৰ পিছত এইবাৰ...

ইকবাল হুছেইন ইকবাল হুছেইন
বিশ্ব2 days ago

বাংলাদেশৰ হিংসাত্মক ঘটনাৰ আঁৰৰ মূল অভিযুক্তক গ্ৰেপ্তাৰ

গুৱাহাটী,২২ অক্টোবৰঃ বাংলাদেশত শেহতীয়াকৈ সংঘটিত হিংসাত্মক ঘটনাৰ আঁৰৰ মূল অভিযুক্তক দেশখনৰ আৰক্ষীয়ে গ্ৰেপ্তাৰ কৰিছে। আটক কৰা লোকজনৰ নাম ইকবাল হুছেইন। উল্লেখ...

সুৰা সুৰা
অসম2 days ago

ৰাজ্যজুৰি শাৰদীয় দুর্গোৎসৱৰ সময়ত প্রায় ৩৫০ কোটি টকাৰ সুৰা বিক্ৰী

গুৱাহাটী,২২ অক্টোবৰঃ ক’ভিড পৰিস্থিতিৰ পৰিপ্ৰেক্ষিতত ৰাজ্যখনৰ অৰ্থনৈতিক অৱস্থা এতিয়াও সুস্থিৰ হোৱা নাই। সেইদৰে ৰাজ্যবাসীয়েও ক’ভিড পৰিস্থিতিয়ে জুৰুলা কৰা অৱস্থাৰ পৰা...

উপ নির্বাচন উপ নির্বাচন
অসম2 days ago

উপ নির্বাচনত ৭,৯৬,৪৫৬ গৰাকী ভােটাৰে সাব্যস্ত কৰিব গণতান্ত্রিক অধিকাৰ

গুৱাহাটী,২২ অক্টোবৰঃ অসম বিধান সভাৰ পাঁচটা সমষ্টি ক্রমে ২৮-গােসাইগাঁও, ৪১-ভৱানীপুৰ, ৫৮-তামুলপুৰ, ১০১-মৰিয়নী আৰু ১০৭-থাওৰাত ৩০ অক্টোবৰত অনুষ্ঠিত হ’ব উপনিৰ্বাচন। মুঠ...

Trending